Ihauterien eguna

Asteburuetako etxez-etxeeri bukaera eman ondotik, Zakuzaharrak elkarteak apailatua du gaitzeko egitaraua, otsailaren 22ko Ihauterien ospatzeko. (10:00) haurren mozorro txapelketa, ondotik hameketakoa eskainia; (12:15) zintzur bustitzea; (13:30) bazkaria, honen erreserba deituz: 06-89-82-06-93; (15:00) matahamiak Zirikolatz elkartearen ganik; (16:30) dantzak Zirikolatz taldearen eskutik; (17:00) desfilea eta Zanpantzarren auzia (18:00); helduen mozorro txapelketa ongi sariztatua; (18:00) Kaxkatu; (20:00) Elektrokutau Elektrotxaranga; (22:30) Kuartz; gauerditan Doli DJ.18:30etatik goizeko 2:00ak artean taloak salgai Zaldubi Ikastolak preparaturik. Besta hunek nahi luke neguari bizkarra erakutsi udaberriaren esperantzan.

Loto igandean

San Josepe eta Arretxea eskoletako burasoen elkarteak (APEL) antolatzen du loto delakoa Inharrian, otsailaren 23an. Ateak zabalik izanen dira 13:30etan, lotoaren hasiera 15:00etan, edari janari lekuan bertan segurtatuak. Sekulako sariak banatuko dira, orotarat 4.000€ baliokoak, arratsalde gozo baten pasatzeko parada polita.

Antzerkia Larrekon

Otsailaren 26an asteazken arratsean (20:30), aurkeztua izanen da Lucas Barbet-ek idatzitako "La Cérémonie des Césars" antzerkia, Scenitza konpainiako aktoreekin. Keinu ironikoa egin nahi dute zeremonia espantagarri huni, nun zinema munduko kideek elgarren arteko ospakizunetan jarraitzen duten, mundu ezegonkorrari bizkarra emanez. 10€-ko prezioan, urririk 15 urtez petik, erositako txartelarekin ikusten ahalko da ere 19:00tan kolegioko gazteek antzeztuko dituzten eszenak Molièren idazkietatik sortuak.

Bertso krakada Larraldean

Ederki iragan da bertso saioa Larralde baserriko sukaldean eta sutondoan, Lapurdi 1609 elkarteak antolaturik. Pixka bat intimitatean, publiko murritzarekin, halere gozotasunaeta umorea nabari. Durangotik jina Unai Iturriaga, Hendaiatik Miren Artetxe, Aimar Karrika gai emaile eta Ainhoa Elizondo esku-soinuz alaitzen baita perkusionez erritmaturik iragan dira ariketa musikatuak. Beste gai batzuen artetik punttuka segitu dute, librean, Larraldea baserriaren gaia luze eta zabal jorratuz: "Hainbat urtez elkarteeri eskainia izan den etxe ederra seemen esku utzia izanen baita, bide berria aurkitu egin beharko zaio". Bertsularien lau koplaren artetik, publikoak "milesker Larraldeari" leloa errepikatuz aitzinatu da saioa. Ildo hortatik: Larraldeaz zer egin?