Herriz Herri - Bidarrai (NB) | 2025eko Agorrilaren 07a

Sortze - Heriotze

Sortze

Gabi Leo Simon sortu da Arnaud Simon eta Fanny Da Costaren familian. Bide-Artea etxean bizi dira. Goresmenak aitameri eta agiantza zoriontsuenak sortu berriari.

Heriotze

Seroraneko Jean-Pierre Çuburu pausatu da 81 urtetan. Denise Hirigaray bankarrarekin ezkondurik, bi haur ukan dituzte, Mattin eta Maider, eta alaba ttipi bat, Haizea. Bizi osoan hargintzan arizan da Jean-Pierre. Eta afizio handia zaukan ihizian eta etxeko baratzearen lantzen. Hondar urte andana huntan, haatik, osagarri arrangura seriosak ukanak zituen. Joan den ostiralean egin zaio agur hunkigarria elizaren bete bildutako jendearekin, meza emaile Joseph apez vietnamdarra eta ere Dominique Hirigaray apeza, sortzez baigorriarra, Denisen familiarekin ahaidegoan dena. Kantuak gogotik eta ozenki altxatu dira Jean-Pierren ohoretan. Gure partetik atxikimenduzko agurrak familia osoari.

Herriko bestak

Menane Oxandabaratz

Edozein izan adina, denek besta egitea gustukoa dugu. Umore onean, baso bat eskuan, mahai baten inguruan… hurbilekoekin biltzeko aitzakia ezin hobea. Udan iragaiten diren gertakariek, izan herriko bestak, kabalkadak edota pastorala bezalako ikuskizunek euskal komunitate baten partaide girela seinalatzen dute. Euskal kultura lehen lerroan jarria da. Uda betean girela herriko bestek funtzio hori bete behar lukete.

Urtean behin gazte komiteek antolatu bestetan euskal kultura tradizionala eta modernoa uztartzen dira. Proposatuak diren gertakarietan belaunaldi bakoitzak berea atzeman behar luke. Herriko besta batzuen egitaraua begiratzean ez naiz segur herritar guzientzat pentsatuak direla. Gainera herri horien artean lehia sortzen da, nork sartze gehiago egin,...

Irakurri segida

Gurekin harremanetan sar