Herriz Herri - Kanbo (L) | 2025eko Agorrilaren 07a
Marieneko baratzea andeatua
Marieneko funtsak laborantzarako atxikiak izan daitezen, mobilizazio anitz iragan dira. Azkena maiatzaren 17an egin zen, egun horretan ehunka jende sustenguz hurbildu ziren eta baratzea landatu zuten. ELB, Lurzaindia eta Ostiak aitzineko astean jakinarazi dute baratzean pertsona batzuk sartu zirela eta baratzea nahitara funditu zutela.
Larunbatean horren salatzeko elkarretaratzea deitua izan da, “saien kontra babesteko mamuak ezarri behar dira” mezuaren inguruan 50 bat pertsona hurbildu dira.
Kanboko besten kari, agorrilaren 10ean (12:30-16:00), Gaztetxearen ostatuan Marieneko borrokaren alde bazkaria antolatua da (12:30-16:00). Bestalde “Marienia ez hunki” tixertak salgai izanen dira (10€).
