Herriz Herri - Luhuso (L) | 2025eko Agorrilaren 07a
Herriko bestak
Ohidura den bezala herriko bestak Andredena Mari inguruan gertatzen dira. Aurten ere gazteriak egitarau aberatsa proposatzen du. Agorrilaren 14an hasiko dira pintxo-potearekin, ondotik kontzertuek segida hartuko dute Dizkobolo, Sutagar eta The Sidh taldeekin. Ostiralean zikiroa Holako Deluxek animaturik. Larunbatean haurrentzat jokoak (15:30), Bost Axola eta Kriolinak taldeek elizan kantaldia eskainiko dute (18:00). Adarreko lasterka gauaz abiatuko da (21:00). Igandearekin herriko Polliki dantza taldeak “Ireki ez hesteko” ikusgarri berria emanen du (18:00), ondotik Artzabal, Astobada eta Ixtaklok taldeek segida hartuko dute. Luhusoar guzieri, besta onak iragan ditzazuela!
