Herriz Herri - Donapaleu (NB) | 2025eko Agorrilaren 07a

Uda huntako hitzaldiak Donapaleun - Euskal indar joko festibala Donapaleun

Uda huntako hitzaldiak Donapaleun

Baxe Nafarroako erakustokiak uda huntako hitzaldiak segitzen ditu. Ondoko asteetan, hiru hitzordu proposatzen ditu.

Lehena, agorrilaren 21ean, Mikel Erramouspek, "Nun habila Perkain?" dokumentala presentatuko eta partekatuko du Bideaken (20:30).

Bigarrena, irailaren 4an, Jean-Yves Roques eta Pantxix Bidartek "Otto Krome" ikuskizuna erakutsiko dute leku berean (20:30).

Azkena, irailaren 18an, Stéphane Larroche euskal altzari zaharren zaharberritzeaz eta kontserbazioaz mintzatuko da.

Euskal indar joko festibala Donapaleun

74. euskal indar joko festibala, Donapaleun iraganen da agorrilaren 17an, igandez. Zortzi ekipek parte hartuko dute(Baigorri, Gabadi, Jutsi, Mitikile, Urdiñarbe, Donazaharre, Donamartiri, Donapaleu) proposatuak diren sei probetan: soka tira, sega joko, orga joko, zaku lasterketa, lasto altxatze eta aizkolari.Hitzordua pilota plazan (15:00).

Herriko bestak

Menane Oxandabaratz

Edozein izan adina, denek besta egitea gustukoa dugu. Umore onean, baso bat eskuan, mahai baten inguruan… hurbilekoekin biltzeko aitzakia ezin hobea. Udan iragaiten diren gertakariek, izan herriko bestak, kabalkadak edota pastorala bezalako ikuskizunek euskal komunitate baten partaide girela seinalatzen dute. Euskal kultura lehen lerroan jarria da. Uda betean girela herriko bestek funtzio hori bete behar lukete.

Urtean behin gazte komiteek antolatu bestetan euskal kultura tradizionala eta modernoa uztartzen dira. Proposatuak diren gertakarietan belaunaldi bakoitzak berea atzeman behar luke. Herriko besta batzuen egitaraua begiratzean ez naiz segur herritar guzientzat pentsatuak direla. Gainera herri horien artean lehia sortzen da, nork sartze gehiago egin,...

Irakurri segida

Gurekin harremanetan sar