Arberoako ostiralak

Agorril huntan, ostiralak alaituak izanen dira Arberoan. Joan den ostiralean, Donoztiriko pesten kari iragandako kantaldiarekin hasi da hilabetea. Ondokoan 8an, Donamartirin iraganen da segalari eta aizkolarien Iparraldeko txapelketarekin. 15ean Izturitzen ukanen duzue hitzordua gaualdi alaitu batekin plazan, haur eta helduentzat jokoekin. Eta azkenik, Abarrando Aiherran, Abarratia kaskorat ibilaldi eta gaupasa ukanen duzue. Aldi bakotx hitzordua 20:00tan jateko eta edatekoarekin, momentu goxo baten pasatzeko aukera da!

Vira & Vasa altxor bilaketa Arberoan

Jostatzeko aktibitate bat Arberoan! Soinuzko altxor bilaketa pedagogikoa da Vira eta Vasa, jostatzeko bide batez leku berriak deskubritzeko. Urririk den Vira eta Vasa aplikazioaren bitartez emanak diren argibideeri esker, haurrak, burasoak edota aitatxi eta amatxiak geldituko dira entzuteko Vira eta Vasak dioten leku ezberdinetaz (anekdotak, legendak, ondarea…). Paregabeko esperientzia nun ustezkoa lotzen den errealitateari eta pedagogia jostatzeari, 5 eta 12 urte artekoen haurrentzat bereziki.

Orduan, aitzina abenturan barna eta bidaia egin denboran eta espazioan, ongi pasatzea segurtatua da!

3 ibilbide:

Izturitze: 1km – oren 1 (maila erraza).

Aiherra: 1,5km – oren 1 (maila erraza).

Donamartiri eta Donoztiri: 6km – 2 oren 1/2 (maila zaila).

Euskaraz eskuragarri dira 3 altxor bilaketak.

Info gehiagowww.en-pays-basque.frwebgunean.