Feria ondo

Santa Katalinako feriak iragan dira giro onean. Ibiakoitzean mugimendu handia, zaldi anitz jalgi da bai eta ere jendea, prezioak apalago izanagatik tratu anitz egin da. Aroa ederra izanez, jendea goxoki egon da. Igande goizean euria, baina goiz erditako aterturik, behor handien lehiaketa ateriz iragan da, zinez ederra baitzen, 43 jalgi dira, bistan dena nehor ez dela enoatu.

Feriak, elgarretaratze baliosak daude, laborari mundua atxikia egoiten da, bai elgar ikusteko, baita ere grinetarik doi bat baztertzeko. Lehen bildotsak saldu baitira iri hortan, eta jaz baino prezio hobean, bazaukaten aipaldi eta denbora berean esperantza prezioak atxikiko duela. Agian bai.

Abenduaren 5a

Egun hori da Aljeriako gerlan parte hartu dutenen oroit eguna, aurten Irisarrin eginen dena, usaiako bost herriak hor bilduko dira: Mehaine, Armendaritze, Iholdi, Landibarre, Heleta. Eguna hasiko da mezarekin (11:00), ondotik oroitarrien aitzinean bildutasunezko otoitz eta kantuak. Bururatzeko Franxua Erramundebehere han bizia galdu duenaren hilobi aitzinean.

Herrietako arduradunen izenak emaitea galdatua da, Art’Zain ostatuan bazkarian parte hartu nahi dute guziei.