Eguberriko merkatua

Arrokagarai ikastolak bere Eguberriko merkatua antolatzen du abenduaren 7an, igandez, Sanoki gelan. Bertan, saltzaile desberdinen ekoizpen edo produktu pollitak aurkitzen ahalko dira: eskuz eginiko ekoizpenak, liburuak, edergailuak, kosmetiko naturalak, kandelak, eztia, fruitu pastak,… mota guzitako produktuak aurkitzen ahalko dira, hurbileko guziak gastatu ahal izateko! Animazioak izanen dira egun osoan.

Huna egitaraua: (10:00-12:00) Athaitze taldeko dantzariek, haurrei orrazkerak proposatuko dizkiete, (11:00) Irri Fitness, (12:00) aperitifa, Itsasun Kantuz taldeak alaiturik. Arratsaldean, mutxikoak ezagutzeko parada izanen da, Dantzaluz elkartearekin partaidetzan antolatuko den iniziazio tailerrean. Deneri idekia eta dohainik izanen da. Hitzordua emana da 15:00etan, umore eta giro goxoan, dantzak ikasteko. Ondotik, (16:00), denak dantzara ateratzen ahalko dira. Gomita beroena luzatua da guzieri.

Tokian berean izanen da egun osoan jateko eta edateko behar den guzia.

Itsas'Rock gaualdia

Gaualdi hau iraganen da abenduaren 13an, larunbatez, Sanoki gelan (20:30), The Stampers eta DJ Michel taldeak animaturik.

Sartzea: 12€ - 10€ (Itsas'Rock kideentzat).

Dress Code: Chic and choc.