Autobusa hartu!

Herriko Sozial Zentroak adinekoak lagundu nahi ditu autobusaren erabiltzen bakotxaren autonomia emendatzeko. Abenduaren 12an emaiten du hitzordua eskaintzaren ezagutzeko. Lehenik diren lineak ezagutu, tenoreak eta prezioak. Gero autobusa elgarrekin hartu eta arratsaldearen bukatzeko krakada goxoa egin. Hitzordua Elgar Zentroan emana da Emile Lavigne gelan (13:00). Parte hartzeko izena eman behar da abenduaren 5erako berantenaz tokiak mugatuak baitira. Telefonoa hau da: 05-59-70-29-07.

Teletona abenduaren 5, 6, 7 eta 11n

Elkarteak eta eskolak mobilizatzen dira aurten ere orain denek ezagutzen duten asteburu hortan. Ostiralean eskoletako haurrak ibiliko dira karriketan Euskal Herriko Semeak batasunaren motoek lagundurik. Larunbatean Zarean, Jauzika, Talo kofradia, Eclosion dantza eskola, Idiak Peňa, suhiltzaileak... elkarteek ekintza bereziak apailatuko dituzte eliza saihetsean edo Harana plazan. Bestalde egun osoan ball-trapa eta bazkaria egin daitezke Entsenian Haitzaldea batasunarekin. Igandean (9:30) Armand David lizeoan, Urtxintxak lasterketa apailatuko du. Izena han berean emaiten da.

Berantago Beti Gaztek ere bere parte hartzea izanen du bazkari baten karietara, abenduaren 11n. Tokiak atxiki aitzinetik...

Navidad Nuestra

Hego Amerikako kantu eta musikak entzungai izanen dira abenduaren 5ean (20:00) eliza nagusian. Euskal Herriko Orkestra Sinfonikoak du gaualdi hori eskainiko. Abesbatzaburua Philippe Mendes da. Flauta, gitarra... eta Gorka Robles bakarlaria ere entzunen da. Kitorik da 22 urtez petikoentzat.

Palestinaren alde

Abenduaren 11n (19:00) Elizaberriko Etxeberria ostatuan, Palestinaren aldeko gaua iraganen da: 15 eurotan afaria eta La Fabrique Affamée antzerki taldeak sortu “Un café en Palestine” antzerkia. Hau Gazako olerkari batzuen obretarik abiatuz egina da. Etekinak haien alde joanen dira.

Tokiak mugatuak izanki aitzinetik atxikitzea hobe da: 05-64-72-15-87.

Hazparne-Azpeitia

Bi herrien arteko lotura atxikitzen duen elkarteak urteko biltzar nagusia eginen du abenduaren 12an (19:00), Behaska gelan. Egin eta eginen direnak aipatuko dira. Bulegoaren erreberritzearekin bururatuko da bilkura. Ondotik tokiko janari eta edari goxoen inguruan egoiteko parada emana da.