Eguberriko merkatua

Sanjosepe eskolako haurren burasoek antolaturik iragan da hazilaren 29an larunbatez egun guzian, Lur Berri gelan. 19 mahain baziren, ikastolak ere bazuen egina, denek bazituzten gauza ederrak, partikulazki haurrentzat zeren Eguberri hurbil baita. Helduentzat ere denak bata bertzea bezain ederrak. Jende asko ibili da gauza horien ikusten eta erosten, dena ongi pasatu da kafe bero pixka bat edanez goxokiekin. Elkarteak denak eskertzen ditu, Herriko Etxea Lur Berri gela eder hori prestatzeagatik, baita ere burasoak eta borondate onekoak. Segi hola hola, heldu den urte arte.

Mintzaldia

Amets Arzallus-ek hitz eginen du “Miñan” bere liburuaz, Herriko Etxeko gelan, abenduaren 5ean (19:00). Bertzalde, abenduaren 12an (19:00) “2018-2023 BIDASOA” dokumentala pasatuko, Lur Berri gelan.

Pilota esku-huska trinketean

Lehen mailan finalerdia: Larrechea Peio-Etcheverry Unai irabazle 40-18 Iribarren Unai-Lecuona Aritz-en kontra. Gazteak: Allduntzin Kaiet-Marin Imaz Eneko irabazle 40-31 Senpereren kontra. Semerena Eneko-Berasategui Unai irabazle 40-25 Senpereren kontra. Zabaleta Huerta Auritz-Larrañaga Ekhi galtzaile 05-40 Lau Herriren kontra. Gaztetxoak: Goyeneche Mikel-Sanjurjo Behoteguy Jon irabazle 40-32 azkaindarren kontra. Jauregui Peio-Lopes Kepa galtzaile 25-40 Airetik-en kontra. Kimuak: Lafitte Julen-Berasategi Andde irabazle 40-08 Lau Herriren kontra. Babace Leizagoien Oihan-Zabaleta Orhi irabazle 40-23 Lau Herriren kontra. Andueza Aguirre Peio-Bareyre Battit irabazle 40-24 Baionaren kontra. Umetxoak: Delgado Apeztegia Maialen-Iturbide Petti irabazle 20-13 Erro Bat-en kontra.

Errugbia

Asteburu huntan pausako ziren. Heldu den igandean Buzi-Ogeuren kontra ariko dira.