Herriz Herri - Biarritz (L) | 2025eko Abenduaren 04a

Erakusketa - Kontzertuak - Hitzaldia

Olentzero%20(Arg:%20Jakes%20Larre) — Olentzero (Arg: Jakes Larre)

Erakusketa

Abenduaren 3tik 28ra ikusgai izanen da Miarritzeko hiriak, Euskal Kultur Erakundeak eta Olentzeroren lagunak elkarteak antolatu erakusketa. Mediatekan, bideo-lekukotasunak, kantuak, argazkiak eta haurren xokoa izanen dira. Asteartetik larunbatera ikusgai (10:00-13:00/14:00-18:00), salbu ostegunetan (14:00-18:00). Ekimen hau dohainik da.

Kontzertuak

Abenduaren 6an (18:00), Papa Cumbia, Gurashow, Xutik eta Xistor of a Down taldeak Atabalen ariko dira. Itsas Argi ikastolaren alde, sartzeak 10 eta 12 euroren artean kostako du. Etorri gostuan!

Hitzaldia

Abenduaren 11n (19:00), Maritzuli konpainiak “Ihauterietako desfileak eta segidak” gaiaren inguruan eskainiko du hitzaldia. Hitzordua Marian Arregi Dantza Lekuan emana da, frantsesez eta urririk.

Franco hil zen bainan…

Jean-Louis Harignordoquy

Azken aste hauetan, Hego Euskal Herrian ukan du aipaldi 1975eko azaroan azken hatsa eman zuen Francisco Franco diktadoreak. Zendu baino zonbait aste lehenago Txiki eta Otaegi euskaldunak eta FRAP-eko hiru gudari tiroz hilaraziak zituen. Denbora haiek bizi ukan zituztenen lekukotasunek frogatzen dute infernutik jalgitzeko zer itxaropena zeukaten jakitean Franco hilda zegoela. Alabainan, Francoren garaian ez zen askatasun izpirik, aitzitik giza eskubideen aldekoak tratu txarrez eta presondegiz sariztatuak. Espainiar komunikabideek zabaldu diktadorearen pentsaera baizik ez zen baimendua, alderdi politikoak eta gaztelera ez ziren hizkuntzak debekatuak, gure ikurrina barne. Beldur ikaragarria nagusitu zen jendartean.

Haatik, Frantziako hedabideek deus guti derasate auzo erresumak berrogei urtez pairatuez: ehun milaka jenderen erailtzeez, atxilotze basatiez, tortura orokortuaz… Horrez gain, ordu hartako Eusko Jaurlaritzaren konduen...

Irakurri segida

Gurekin harremanetan sar