Euskal Herriko mus txapelketa

Joan den igandean Nafarroa Behereko finalean 62 pare arizan ziren. Egun osoan jokatu ziren partidak, arratseko 22:00ak iri arte.

Bazkaria Arberoa ikastolako burasoek prestatua eta zerbitzatua zuten lekuan berean, ostatua Artetxearen gain.

Jamattitt Sarraude kudeatzaile, eguna ezin hobeki iragan zen.

Bururaino heldu diren 2 pareak ditugu: Maite Larre-Céline Irola eta Xabi Alcazena-Damien Etchart txapeldunak. Txapeldunek, txapeldunordeek eta hobeki sailkatu diren beste 16 parek, martxoaren 28anGipuzkoako Villabonan iraganen den Euskal Herriko final handian parte hartuko dute. Gilles Haran-Jon Larre, Johane Oihenart-Enaitz Bidart, Alfred Oyhenart-Josep Ondarts, lekuko 3 pareak horietan baititugu, suerte ona ukan dezatela bururaino.

Herriko bozak

Heldu den igandean “Izturitze Elgarrekin” zerrenda bakar berritua zaigu aurkezten.

Orain artinokoetan 9k segitzen dute, 6 berrirekin. Utzi dutenak dira: Andre Durruty Puttuenia, Monique Lohiague Jaimetegia, Sylvain Donapetry Mendiburia, Male izengoitiz Cazot Karine, Le Lorec Nickie Karabindea,Carceler Jose-Maria (zendua).

Mirakuluz ez da 2. itzulirik izanen gure herrian.

Ondoko egunetan emanen dugu zerrenda osoaren berri,beste xehetasun guziekin batean.

Bixkotxa saltzea

Hauteskunde egunean eskola publikoko burasoek bixkotxak salduko dituzte Herriko Etxe aitzinean.