Herriko bozak

Igande huntan 5 zerrenda izanen dira lehianlehen itzulian: “Bayonne en mouvement – Baiona mugimenduan” Jean-Claude Iriart-ekin, “Bayonne tout simplement!” Henri Etchetorekin, “Bayonne l’essentiel c’est vous” oraingo auzapeza den Jean-René Etchegarayrekin, “Bayonne insoumise et populaire” Sandra Pereira-Ostanel-ekin eta “Unis pour Bayonne l’Alternative!” Pascal Lesellier-ekin.

Monografia aurkezpena

Euskal Museoak antolaturik, Izturitze eta Otsozelaiko leizeen elkartearekin elkarlanean, Aranzandik argitaraturiko“Gaztelu muinoko leizeetako horma-artea”monografiaren aurkezpena iraganen da martxoaren 14an (10:30). Diego Garate Maidagan eta Christian Normand, hiru egileetatik biren presentzia segurtatua izanen da. Urririk.

Biltxoko kantuz

Martxoaren 14an (11:30) iraganen da, aperitifa eta bazkariarekin, Gure Irratiaren alde. 15 euro kostako du. Erreserbatzeko: 06-65-87-48-00.

Ihauteriak museoko gauzakietan

Martxoaren 14an (15:00), Euskal Museoan bisita antolatua izanen da ihauteriei lotuak diren objektuekin. Sartzeak 4 eurotik goiti kostako du.

“Bizkarsoro” filma

Martxoaren 17an emanen da herri barneko mediatekan (18:15). Urririk.

“Zaldi bat” liburuaren aurkezpena

Martxoaren 18an iraganen da (19:00) Maddi-Ane Txoperena Iribarrenen liburuaren aurkezpena, Nora Arbelbidek aurkezturik. Hitzordua Biltxokon emana da.

Euskara batuaren ortotipografia ikastaroa

Martxoaren 18an iraganen da (9:00-12:00) Alfontso Mujikaren eskutik, Euskaltzaindiaren egoitzan. Helburua da ortografia-marken jarraibideen puntu nagusiak azaltzea: zein diren ortografia-markak eta nola eta zertarako erabiltzen den bakoitza. Puntuazio-marken atalak hartuko du tarterik zabalena, baina puntuazio-marka lagungarrien zertzelada nagusiak ere azalduko dira, baita marka diakritikoen inguruko zalantzak argitu ere.

SEI taldearen kontzertua

Amarres elkarteak SEI ahots‑taldearen kontzertua antolatu du martxoaren 28an (20:00), Baionako tenplu protestantean. Thomas Moreauk zuzenduriko taldeak Frantziako hainbat eskualdetako polifonia tradizionalak eta Pizkundeko kantuak eskainiko ditu, ikuspegi garaikidearekin. Sarrera urririk.