Igande huntan, hiru zerrenda dira: “Nahi dugun herria” Argitxu Hiriart-Urruty buru, “Kanbo elkartu” Peio Etxeleku buru eta “Cambo en avant – Jo Aintzina” orain arteko Christian Devèzeauzapeza buru.

“Nahi dugun herria” zerrendaren programak besteak beste herriaren garapen sozial, ekonomiko eta ingurumenekoa uztartzea proposatzen du. Sei ardatz nagusitan oinarritzen da: etxebizitza, gizarte-zerbitzuak, tokiko ekonomia, laborantza eta trantsizio ekologikoa, bizikidetza eta euskararen sustapena. Proposamenen artean etxebizitza sozial gehiago sortzea agertzen da, zerbitzu publikoak indartzea, tokiko ekonomia sustatzea eta mugikortasuna, kultura eta kirola garatzea.

“Kanbo elkartu”-ren programak besteak beste gobernantza idekiagoa, gizarte kohesioa eta ekonomia garapena azpimarratzen ditu. Helburuen artean herritarren parte-hartzea eta gardentasuna handitzea agertzen da, baita gazte, familia eta adinekoen beharrei erantzutea ere. Halaber, etxebizitza politika kontrolatuagoa, ekonomia eta osasun sektorea indartzea, laborantza babestea eta trantsizio ekologikoa bultzatzea proposatzen dira.

Azkenik, “Cambo en avant – Jo Aintzina” zerrendak besteak beste esperientzia eta belaunaldi berriak uztartzen dituen taldea aurkezten du. Bere lehentasunen artean etxebizitza eskaintza egokitzea agertzen da, osasun zerbitzu hurbilak indartzea, tokiko ekonomia sustatzea eta haurren, gazteen eta adinekoen beharrei erantzutea, baita kultura, kirola eta elkarte bizitza sendotzea ere.

Hautagaien zerrenden programa zehatzak gutun untzietan aurkituko zituzten herritarrek hain segur.