“Gazteen Adierazleak” izeneko txostena argitaratu du berriki Gazteen Euskal Behatokiak. Azterlan horrek ematen dituen argibideak Euskal Autonomia Erkidegoko 16 eta 34 urte arteko gazteei buruzkoak dira.

Ikasketei eta prestakuntzari dagokienez, txostenak erakusten du gaurko gazteak sekula baino hobeki prestatuak direla. Eskola goizik uzten dutenen heina inoizko apalena da. 18 eta 24 urte arteko gazteen %5 soilik dira bigarren hezkuntzako bigarren etapa bururatu ez dutenak. Goi-mailako diplomak dituztenen kopurua ere sekula baino goragokoa da. EAEko 25 eta 34 urte arteko gazteen %61,2 goi-mailako diploma baten jabe dira.

Euskararen ezagutzari eta erabilpenari buruz, txostenak datu baikorrak ematen ditu. 15 eta 29 urte arteko gazteen %80 ontsa mintzatzen dira euskaraz. Hor hobekuntza handia ageri da, ezen 1989an, %24,2 ziren bakarrik ontsa mintzo zirenak, eta 2004an %52. Lagunen artean nagusiki euskaraz mintzo direnen ehunekoa ere emendatu da, lurraldeen arabera...

Eusko Jaurlaritzak kontrako iritzia eman dio Araban sei parke eoliko martxan emateko egitasmoari, haize errotek kalte handiegia eginen lioketelako ingurumenari.

Proiektuaren sustatzaile zen Savanna Power Solar 14 enpresak Arabako sei herritan ezarri nahi zituen haize errotak: Burgun, Dulantzin, Iruraiz-Gaunan, Donemiliagan, Barrundian eta Gasteizen. Parke bakoitzean aerosorgailu bat ezartzea pentsatua zuen, orotara 29,94 megawatteko indarra ukanen zuena.

Jaurlaritzak eman duen errefusaren arrazoia da parke eolikoak kokatzeko hautatuak ziren eremu horiek babestuak diren zenbait hegaztiren bizi toki, habia egiteko lurralde eta etzateko leku direla. Halaber, Jaurlaritzak uste du egitasmoak paisaia ere itxuraldatuko lukeela. Erabakia hartu aitzin eraman den ingurumen azterketaren ondorioak argiki dio parke eolikoen proiektua “ingurumenaren ikuspegitik bideraezina” dela.

Bestalde, Arabako zenbait udalerrik Solaria enpresak lurraldean ezarri nahi zituen eguzki...

Joan den irailean, Eusko Jaurlaritzaren Industria, Trantsizio Energetiko eta Jasangarritasun Saileko teknikariek Zaldibarko hondakindegia aztertu zuten. Ikerketa horren helburua zen duela sei urte lur litatze batek deseginik utzi zuen zabortegia zein egoeretan dagoen jakitea. Berriki jakinarazi dituzte txostenaren emaitzak: mantentze lanak falta ditu, eta ondorioz zenbait arazo eta irregulartasun agertu dira, bereziki azpiegituraren egonkortasunari eta iragazgaiztasunari dagokienez. Hori ikusiz, Zaldibar Argitu plataforma kezkaturik agertu da. Haren ustez, “ulertezina” da akats horiek orain arte antolatu ez izana eta salatu dute Jaurlaritzak bost hilabetez isilpean atxiki duela 29 hutsegite agertzen dituen txosten teknikoa, haren eginbidea herritarrak informatzea izanen zelarik.

Horregatik, Zaldibar Argitu plataformak “arduraz jokatzeko” eta hutsegiteak zuzentzeko “beharrezkoak diren neurri guztiak” har ditzala galdegin dio Jaurlaritzari. Halaber, herritarrak...

Martxoaren 8an, milaka lagun atera dira Hego Euskal Herriko hiri eta herrietako karriketara mugimendu feministari sustengua adierazteko. Martxa jendetsuak eta aldarrikapenez beteak izan dira, eta karrikak protesta kolektiborako agertoki bilakatu dira. Berdintasunaren aldeko deiadarrak, indarkeria matxistaren kontrakoak eta emazteen eskubideen aldekoak entzun dira “beste mundu bat feminismotik” lelopean egin diren manifestaldietan. Halaber, mugimendu feministak “borroka eta antolakuntza” aldarrikatu ditu “eskuin muturraren pilatze eta beldurraren ereduaren aurrean” eta abolizionisten “jarrera transfoboak” gaitzetsi ditu.