Herriz Herri - Hiriburu (L) | 2026ko Martxoaren 12a
Herriko bozak - Erakusketa - Bizikleta bidearen estreina
Herriko bozak
Zerrenda bakarra izanez, mandatu berrian ere Alain Iriart-ek auzapeza izaten segituko du, “Hiriburu maita – Aimer St Pierre d’Irube” zerrendarekin. 31 hautagairen gain, 20 berritu dira.
Erakusketa
Emazteen eskubideen nazioarteko eguna kari, mediatekak dokumental hautaketa proposatzen du atzoko eta gaurko emazteen ibilbideak, borrokak eta ahotsak ezagutarazteko, baita berdintasunaren eta askatzearen erronkei buruz gogoetarazteko. Martxoaren 16a arte ikusgai da Lizaga mediatekan.
Bizikleta bidearen estreina
Otsailaren 23an, Plaza Berri eta Ametzondo lotzen dituen bizikleta bide berria inauguratu du herriak, Baionako eta Mugerreko bideak lotzen dituen ibilbide segituaren azken zatia da. Orotara 3,3 kilometroko bizikleta bide propioa du herriak.
