Herriz Herri - Bardoze (L) | 2026ko Martxoaren 12a
Ihauteriak plazan - Loto
Ihauteriak plazan
Aurtengo ihauterien edizioa ederki bukatu zen pasa den larunbatean, desfile ederrarekin plazan, pertsonaia eta musikari guziekin, baita ikastolako haurrekin ere, batukada ttipia proposatuz. Ondotik, Zanpantzarren auzia izan zen, eta hainbeste gaiztakeria entzutearekin, auzitegiaren lehendakariak haren kontrako zigor gorena ofizialki deklaratu zuen: Lo huec! Sutara! Eta dantzariek “sua ipurdian” dantza dantzatu zuten erretzen ari zen kondenatuaren inguruan. Gaualdia segitu zen kantuz, eta Foyer de Bardos elkarteko gazteek prestatu zuten afariarekin. Eta denen araberan, biziki goxoki eta ongi prestatua izan zen! Bukatzeko, DJ Amilcarrek jendea dantzarazi zuen bere platinekin, berant arte.
Loto
Eskola pribatuko burasoek loto bingo handia antolatzen dute martxoaren 14an ezkerparetan (20:00). Sari anitz dira irabazteko, eros-bonoak, bideo joko kontsolak, eta beste.
