Heriotze

Sortzez nafartarra, Lantz herrian sortua, Konxita Inda 91 urtetan zendu da. Gazterik Monlong etxerat etorri zen sehi kondu. Jean Pierre Indarekin ezkondu eta bere bizia Pokoinean iragan du laborantxa lanean. Bi alabaren ama, emazte airosa zen eta konpainia laket zuen. Duela urte bat eta erdi alargundu zen, eta azken urtea sortetxean iragan du, etxekoen inguruan, haien segidaz eta arretaz goxaturik.Doluminak familiari.

3830. zbk

Gure Hitza | 2026/04/16

SOS arrazakeria!

Menane Oxandabaratz

Herriko bozen biharamunean entzun diren gertakari batzuek historiaren garai ilunak gogorarazten dituzte. Bally Bagayoko, jatorriz maliar familiakoa, lehen itzulitik Saint-Denis hirian (156.149 jende) auzapez hautatua izan delarik, hitz iraingarriak entzun eta irakurri dira. Bere agintaldiaren hasieratik, arrazakeriaren biktima da.

Azken denbora hauetan ikusten da eraso arrazista anitz badela, bereziki emigrazio familietatik jalgitzen direnek dute egoera hori jasan behar. Pertsona baten nazionalitatea, larruaren kolorea, jatorria eta erlijioa dira kontutan hartuak, ez eta pertsonaren izaera, baloreak eta ahalak. Ezaugarri fisiko batzuengatik, maluruski gero eta ohikoagoa da publikoki pertsona bat zikintzea, ez bada zanpatzea.

Maila politikoan mezu arrazistak entzuten dira, bereziki eskuin muturrak zabalduak. Jatorriz atzerritik sortu familiak lanjerosak eta anitz kostatzen direnak...

Irakurri segida

Gurekin harremanetan sar