Ezkontza

Yaissa Arregi-Rey eta Antton Haristoy herritarrak ofizialki ezkondu ziren Herriko Etxean, joan den hilabete hondarrean. Goresmenak zueri!

“L'homme qui s'envola”

Titulu hori ukanen duen frantses filma moldatzen ari dira Euskal Herrian eta partez Baigorrin, Charlotte Gainsbourg-ekin, besteak beste. Filmaren agerraldi batzu Bankako bidean egin dituzte bereziki, joan den ortzegunean. Hortako, herriko aparkaleku zonbait osoki erreserbatuak zituzten kamiun eta materialaren pausatzeko.

Kulturaldia

Apirilaren 17an (ortziralean), “Kneecap” filma emanen da Bil Etxean (19:30). Sartzea urririk. Gaia: Ipar Irlandan kokatzen da istorioa. Belfasteko rap soinu hirukote anarkista eta basatia zernahiren egiteko prest da irlandar nortasuna eta gaeliko hizkuntza salbatzeko. Musikak eta umoreak osatzen omen dute obra. Filma euskaraz azpititulatua izanen da.

Apirilaren 18an (ibiakoitza), “Altxalili” kolektiboaren ikusgarria Aldude Alfaroenean (21:00). “Alf'Harro”, kuir gaualdia. Sartzeak 15 eurotan, Internetez salgai basaizea.com webgunean. Bazterrak inarrosiz, Euskal Herrian LGTBKIA+ komunitatea ikusgarriagoa izaitea da taldearen xedea.

Emanaldia aitzin, aperitifa alaitua (19:30) eta ondotik erromeria Julen Labaka eta Uxue Kerejetarekin (22:30).

Dantzaldi

Arinki elkarteak bazkari eta dantzaldia antolatzen ditu Plaza Xokon heldu den apirilaren 19an, igandez. Adartza musika taldea animatzaile. Bazkaria eta dantzaldia 45 eurotan, dantzaldia eta atsalaskaria 10 eurotan.

Bazkariarentzat (ez balin bada berantegi segurik), izen emaiteak zenbaki huntan egin behar dira: 06-83-31-31-85.