Odol emaitea

Odola emaiten ahalko da bi arratsaldez, apirilaren 27an eta 28an, Sanoki gelan (15:30-19:00). Hitzordua hartu behar da: dondesang.efs.sante.fr.

Atharriko lehiaketa pilotan

Urtero bezala, Itsasuarrak elkarteak pilota lehiaketa antolatzen du Atharri ezkerparetan joko berrin. Finalerdiak jokatuko dira apirilaren 30ean, ostegun arratsez (19:00 eta 20:00).

Finala maiatzaren 3an, igandez (11:00), eta ondotik aperitifa eta bazkaria, animaturik.

Pilotarien izenik ez dugu orainokoan ikusi, baina agian, hunen berri emanen dugu heldu den astean.

Lore eta landare merkatua

Urte guziz bezala, San Josep eskola pribatuak antolatzen du lore eta landare merkatua. Aurten maiatzaren 8an iraganen da (9:00-16:00), Herriko Etxeko aparkalekuan.

Kontzertua

Eta urte guziz bezala ere, San Josep eskola pribatuak, Itsasuarrak elkarteak lagundurik, kontzertua antolatzen du Gerezi Besta bezperan. Aurten beraz ekainaren 6an, elizan (20:00).

Oreka TX eta Thierry Biscary izanen dira aurtengo protagonistak. Sartze prezioa 12€.