Heriotze

Sortzez Gironde eskualdeko Rauzan herrikoa, Roland Bouty zendu da 91 urtetan. “Ganga” eta “Pokoine”-ko bidean zuen Baigorriko egoitza, “Gure urtxotegia” izenarekin. Bisitak Baigorriko hil etxean egin dira eta bere sorterritik hurbil ehortzi dute joan den ortziralean.

Iturritik

Elkarteak zikin eta hondarkin bilketa ekainaren 7an (igandez) segituko du Errobi errekan eta bazterretan. Borondate on guziak gomit dira. Hitzordua Aldudeko plazan emana da (10:00). Beti bezala, sekulan aro txarra balitz, ondoko igandera gibelatua laike.

Artzainen lasterketa

Ekainaren 7an iragaitekoa da, igandez. Bi lasterkaldi: nagusiak 23,6km egiten ditu 1.350 metroko desnibelarekin (400 parte hartzaile, abiatzea 9:00) eta besteak 15km, 940m desnibel (200 parte hartzaile, abiatzea 9:30).

Bada ere 15 kilometroko ibilaldi bat bestalde, zoingehiagoketarik kanpo, mendiaz gozatu nahi dutenentzat (abiatzea 7:00 eta 8:00ak artean). Euro bat hartuko da lasterkari bakotxak ordaintzen duenetik, jendeak mendiko sokorrietara formatzen dituen “Sokorritzaileak” elkartearen alde.

Konferentzia

Ekainaren 5ean, ortziralez, Unibertsitate herrikoiak antolaturik, Pablo Marticorena arkeologoak mintzaldia eginen du Bil Etxean, “Prehistoire du luxe et du capitalisme” izenburuarekin (19:00). Gero jateko eta edateko (20:00) eta ondotik “Sans filtre” filma (21:00). Obra hunek “urrezko palma” eskuratu zuen Cannes-eko zine festibalean 2022an.