Udaberria Dantzan

Ekainaren 6 eta 7an, Udaberria Dantzan festa iraganen da herrian. Usaian bezala, egun hauetan Donibane Lohizune dantzaren topagunea bilakatuko da, Begiraleak elkarteak antolaturik.

Egitarauan, ekainaren 6an Begiraleen eguna izanen da. Begiraleak taldeko dantzarien desfilea izanen da, belaunaldiak nahasirik (16:00). Ondotik, ikusgarria Foch plazan (17:00).

Biharamunean, Donibane dantzari eta udaberria dantzan. Goizean zazpi probintzietako haurren emanaldia izanen da Luis XIV plazan eta animazioa karriketan (10:00). Arratsaldean (16:00), helduen emanaldia ber tokian.

8 taldek parte hartuko dute: Andra Mari (Galdakao, Bizkaia), Aurtzaka (Beasain, Gipuzkoa), Begiraleak (Donibane Lohizune, Lapurdi), Korteseko Dantzariak (Kortes, Nafarroa), Mikel Deuna (Iurreta, Bizkaia), Urtsoko Xoriak (Lekorne, Lapurdi) eta Xiberoako dantzariak.

Lorategietan elkartu

Ekainaren 6an eta 7an, Donibane Lohizuneko itsasbazterreko landare-baratze botanikoa urririk idekiko da (10:00-18:00), “Lorategietan elkartu” ekimen nazionalaren baitan. Aurtengo gaia ikusmena da. Ekainaren 6an (10:00-12:00), lore-mundua ezagutzeko kanpoko tailerra eskainiko da. Lupa eskuan, parte-hartzaileek loreen koloreak, usainak eta sekretuak aztertuko dituzte: polinizazioa, landare-sexualitatea, komunikazioa…

Urririk, izena emanez: saintjeandeluz.fr.