Arte erakusketaren estreinaldia

Pasa den ostegunean, Louisa Raddatz etorri zen Salha jauregira bere obra miresgarriak aurkeztera publikoari, arte erakusketaren estreinaldia kari. Azaldu zuen nola naturako elementu ttipiek, hala nola maskorrak, liliak, lumak, hostoak, etab… inspiratzen duten bere obrak sortzeko. Ondotik, jendeak adiskidantzako basoa eta boluntarioek prestatutako janaria partekatu zituen.

Erakusketa nahi bada deskubritu, urririk idekia izanen da astebururo hilabete batez, ekainaren 29a arte.

Sortzaile eta ekoizleen merkatua

Maiatzaren 22an eguzkipean iragan zen sortzaile eta ekoizleen merkatua komertsanteen plazan. Jende asko hurbildu zen tokiko produktuak deskubritzeko eta erosteko, izan eztia, izozkiak, marrubiak, patxarana, gasnak, bitxiak, etab. Bardozen Kantuzeko kantariek gaualdia alaitu zuten, eta euskal moneta presente zen konduak idekitzeko. Izan ere, merkatua antolatu zuen Liliren Denda berriki Eusko aldagune bilakatu da, eta saltoki eta elkarte batzuk onartzen dute tokiko moneta gure herrian.

Jokoaren pesta

Maiatzaren 30ean haurrak eta burasoak bildu ziren Salha jauregiaren beherean mahai jokoak egiteko, jokoaren pesta kari. Xarnegu ikastolako burasoek taloak, matahamiak eta ogitartekoak prestatu zituzten, eta “Escape game” delakoak arrakasta handia ukan zuen ikastolaren baitan.

Pala lehiaketaren finalak trinketean

Urtero bezala, Uhaldean pilota elkarteak bere pala lehiaketa antolatu zuen, eta 100 talde inguruk parte hartu zuten. Maiatzaren 30ean azken etapa zen herriko trinketean eta txapeldunak ezagunak dira orain: Garanx eta Poigt 3. mailan, Saint Cristau eta Laulhier 2. mailan, eta Lartigot eta Cellan 3. mailan. Lagarde eta Lecherinek irabazi zuten aurtengo “hors série” izeneko lehiaketa berezia.

Finalak eta gero, parte hartzaileek klubak eskaini zien aperitifa partekatuzuten.