Herriz Herri - Bidarrai (NB) | 2026ko Uztailaren 09a

Herriko bestak

Larunbatean_%20Janus%20Lester%20famatua%20entzuten%20ahalko%20da — Larunbatean, Janus Lester famatua entzuten ahalko da

Asteburu huntan ukanen ditugu herriko bestak, berriz beren ohiko garaira itzulirik. Uztailaren 10etik 14ra iraunen dute. Huna nagusiki nola iraganen diren.

Ostiral 10ean, (19:00) besten idekidura Barberaenean, (19:30) Burrunka taldearen ikuskizuna eta talo ta xingar, ondotik gaualdiak segituko du osoki Barberaenean.

Larunbat 11n, (15:00) jokoak haurrentzat (Oreka Zirko) eta gazteentzat (besta batzordekoak), 21:00 kontzertuak: Janus Lester (Bera) eta Sukena (Oñati), ondotik DJ Musikalan (Senpere).

Igande 12an, (12:00) paella bazkaria, Lasa Kantuz taldeak animaturik, (17:30) artzain xakur lehiaketa eta talo ta xingar, (21:00) Pog Mahone (Irlandako musika).

Astelehen 13an, (19:00) aperitifa gaiteroek animaturik, (20:00) zikiro jatea, Botakantu taldeak eta gaiteroek alaiturik (afariko txartelen aitzin-salmenta uztailaren 10ean, 17:00, herriko plazan), gaualdia Iratzar Erromeria taldearekin (Goizueta).

Astearte 14an, (12:00) Noblianean bazkari alaitua (izenak aitzinetik emanez tel. 05-59-37-70-89).

Bestak untsa iragan ditela!

Eta bihar?

Menane Oxandabaratz

Udan sartzen ari ginela eta, bero handiek jo gaituzte. Hotz handiak direnean ongi beztiturik kanpora ateratzen ahal da, 40 gradu direlarik zailago! Eginahala barnean egon behar, zorigaitzez ez da denentzat posible.

Berote handiak, gero eta usuago, luzeago eta bortitzagoak dira. Errana denez Europan tenperaturak 2,4 graduz emendatu dira. Osasunarentzat kaltegarria bada, ingurumenean, laborantzan, enpresetan eta zerbitzu publikoetan (eskola, ospitale…) ere ondorioak baditu.

Urtez urte tenperaturak goratuz doazela, entzuten diren hautetsi politikoen hitzetan iduri du bat-bateko gertakari arraroa litzatekeela. Ez da trantsizio ekologikoa plantan jarriko aldaketa politikorik gabe. Ezin da deus ez balitz bezala egin, ezin dira begiak hetsi, ez da gehiago eztabaidatzeko garaia, neurri zorrotzak hartu behar dira. Estatuen buxetaren parte handia horretara bideratu beharko...

Irakurri segida

Gurekin harremanetan sar