“Justizia euskararentzat, euskara guziontzat” lelopean Kontseiluak elkarretaratzeak antolatu zituen joan den ostegunean Gipuzkoako, Arabako eta Bizkaiko unibertsitate campusetan, euskarazko ikas eredua orokortu behar dela aldarrikatzeko. Jendetza bildu zen EHUko Donostiako, Bilboko eta Gasteizko campusetan, eta hezkuntza eta unibertsitate arloko eragile eta sindikatu nagusiek ere bat egin zuten.

Kontseiluak “larritasun bereziz” ikusten du euskarako froga gainditu ez duten ikasleen familiek judizializazioaren bidea hautatu izana eta oroz gainetik, epailearen erabakia. “Berriro ere botere judizialak ukan du azken hitza, EHU behartuz emaitza txarrak jaso dituztelako bide judizialera jo duten ikasleei euskara salbuestera”, adierazi dute Kontseilutik. Gertatu dena “oldarraldi politiko, mediatiko eta judizialaren” parte dela gaineratu du, eta horrek ondorio “larri eta nabarmenak” dituela euskararen ofizialtasunari dagokionean.

Kontseiluak “kezka...

Nafarroako Gobernuak 18 milioi euroko kalte ordaina ordaindu beharko dio Palacio de Arozteguia SM enpresari. Horra zer ebatzi zuen Nafarroako Justizia Auzitegi Nagusiko administrazioarekiko auzien salak joan den astean. Javier Remirez Nafarroako Gobernuko lehendakariorde eta bozeramaileak adierazi zuenez, epaitegiak enpresa sustatzailearen eskaeraren “parte bat” bertzerik ez du onartu. Izan ere, Palacio de Arozteguia SM enpresak 26 milioi euroko kalte ordaina eskatua zuen, obrak geldiarazteko protestetan “ondasunei kalte egin” zietelakoan. Epaitegiaren hitzetan, Foruzainek ez zuten “proiektuaren aurkako istiluetan ondasunei kalte egitea eragotzi, eta enpresa sustatzailearen arabera, kalte horiek proiektuaren garapena oztopatu zuten”.

Bere aldetik, Nafarroako Gobernuak Nafarroako Justizia Auzitegi Nagusiko administrazioarekiko auzien salako ebazpenaren kontra helegitea aurkeztuko duela jakinarazi du.

Joan den uztailaren 2an frantses estatuan zabalik zituen auziak hetsirik eta frantses Justiziak Josu Urrutikoetxearen kontrako euro agindua jada onartua duenez, Urrutikoetxea aski fite espainiaratu dezakete. Ebazpena uztailaren 12an daiteke irmoa. Handik goiti, behin Madrilek ohiko tramitea betetzen duenean, edozein momentutan gerta daiteke kanporatzea.

Espainiako Auzitegi Nazionalak hainbat euro agindu eta estradizio eskaera egin zizkion Frantziako justiziari, eta Parisek horietako bi aintzat hartu ditu. Batetik, 1987an ETAk Zaragozako Guardia Zibilaren atentatua agindu izana leporatzen dio eta bestetik, Herriko Tabernen auzian parte hartu izana ETAko buruzagi gisa.

Urrutikoetxeak hainbatetan adierazi izan du berak ez zuela zerikusirik izan Zaragozako atentatuarekin – ETAk zortzi pertsona hil zituen horretan– eta Espainiako Justiziak Argala komandoko kideei leporatu zien ekintza, bai eta horregatik zigortu ere bai....

Iruñeko “Sanfermines 78” eta Gasteizko “Martxoak 3” kolektiboek “Estatua erantzulea” ekimena bultzatzen segitzen dute. Horren bidez, Espainiako Gobernuari eskatu nahi diote Espainiako Estatuak martxoaren 3an Gasteizen eta 1978ko Sanferminetan gertatu ziren poliziaren krimenen bere erantzukizun nagusi eta zuzena aitor dezala.

1978ko uztailaren 8ko Sanferminetako zezenketa bururatu ondoan 50 lagun inguruk, plazako hondarrera jauzi egin, eta “Amnistia osoa, presoak askatu, Sanferminak presorik gabe” zioen pankarta atera zuten. Une hartan, peñetako haurrak plazan sartu ziren, eta haien gibeletik, oldarka eta bortizki, polizia armatuak. Bi oldarraldi nagusi izan ziren plazan, bigarrena lehena baino bortitzagoa. Polizien irratian agindua entzun zen: “Tiro egin indar guziekin. Ez diezazuela inporta inor hiltzea”. Une hartan, 20.000 lagun ziren plazan. Haietan 55 pertsona zauritu zituzten; horietatik sei balaz. Lekuko...

Hamargarren urtez antolatuko dituzte Iruñeko Herri Sanferminak Andre Mariaren Plazan eta Baratxurien plazan. Hamahiru kolektibo dira antolatzaile. Besta eredu feminista, antiarrazista, solidarioa, internazionalista, antifaxista eta antitaurinoa dute oinarrian. Aurten ere egitarau zabala izanen da, lelo berezi batekin: “9 egun, 10 urte eta 11 borroka”.

Aplikazioan ala webgunean, euskal guneak agertzen dituen Euskal Herriko mapa erabilgarri da GureTxokoak.eus delako helbide elektronikoan. Kategoriari dagokion kolorearekin, jatetxe, gaztetxe, ostatu ala saltokiak agertzen dira. Android aplikazioaren kasuan (oraingoz ez da iOS bertsiorik), geo-kokapenak martxan dira eta inguruko euskal guneak erakusten ditu. Bestalde, GureTxokoak.eusaplikazioak herri-bilatzailea ere badu, nahi bezala euskal guneak bilatzeko eta atzemateko.

Segoviako presondegitik eskapatzea lortu zuten 29 presoren ihesaldia kontatzen duen “La fuga de Segovia” filmak 45 urte bete ditu. 1981ean Imanol Uribek zuzendu zuen eta Xabier Elorriaga, Mario Pardo, Ovidi Montllor, Imanol Gaztelumendi, Klara Badiola ala Virginia Mataix izan ziren aktoreak, besteak beste. Angel Lertxundik elkarrizketetan lagundu zuen.

Segoviako ihesaldiak 1976ko apirilaren 5ean, ETAko 24 preso eta FRAP, FAC, MIL eta PCEko bost katalan militanteren ihesa kontatzen du, gertaera historiko errealetan bermatuz. Hauek Auritz (Erro) herrira heldu ziren presondegitik ihes eginik, eta bertan ezkutatu ziren mugalari baten zain. Baina norbaitek hutsegin zuen informazioa ematea, eta mugalaria ez zen agertu. Iheslariek berengain muga zeharkatzea erabaki zuten, eta laguntzarik gabe, laino trinkoak hartu Sorogaingo oihanera sartu ziren. Filmak guardia zibilaren bilaketa, iheslarien mendian galtzea eta tragedia oroitarazten ditu. “La fuga de Segovia” Primeran...