Herriz Herri - Bardoze (L) | 2026ko Uztailaren 09a

Jatetxearen idekitzea - Zirkoa - Obrak bidean

Jatetxearen idekitzea

Chez Juju jatetxe berria publikoari zabalik da pasa den ostiraletik, aitzineko Chez Bixenteren ordez. Idekitzearen karietara, bardoztarrak hurbildu ziren jabeek eskaini zuten adiskidantzazko basoa partekatzeko. Eguzkiaz ongi lagundurik, jende anitzek deskubritu zuen bizileku berri hori asteburu hontan. Espero dugu dinamika hori segituko dela, bizia emateko gure plazari!

Zikiroa

Lambert auzoko biztanleak platanoen azpian bildu ziren pasa den larunbat eguerditan, kartierraren zikiroa ospatzeko, Lambert bonne humeur elkarteak antolaturik.

Obrak bidean

Obrak segituko dituzte bizikletendako bide berezia sortzeko Gixunera joateko aldapan, Mondon eta Beterbide bideen artean. Hilabete batez moztuko dute RD253-aren zati hori, eta autoek Beterbide bidetik pasatuko behar dute Gixunera joateko edo Bardozera etortzeko Gixunetik. Kamioiek, aldiz, Bidaxunetik pasatu beharko dute.

Eta bihar?

Menane Oxandabaratz

Udan sartzen ari ginela eta, bero handiek jo gaituzte. Hotz handiak direnean ongi beztiturik kanpora ateratzen ahal da, 40 gradu direlarik zailago! Eginahala barnean egon behar, zorigaitzez ez da denentzat posible.

Berote handiak, gero eta usuago, luzeago eta bortitzagoak dira. Errana denez Europan tenperaturak 2,4 graduz emendatu dira. Osasunarentzat kaltegarria bada, ingurumenean, laborantzan, enpresetan eta zerbitzu publikoetan (eskola, ospitale…) ere ondorioak baditu.

Urtez urte tenperaturak goratuz doazela, entzuten diren hautetsi politikoen hitzetan iduri du bat-bateko gertakari arraroa litzatekeela. Ez da trantsizio ekologikoa plantan jarriko aldaketa politikorik gabe. Ezin da deus ez balitz bezala egin, ezin dira begiak hetsi, ez da gehiago eztabaidatzeko garaia, neurri zorrotzak hartu behar dira. Estatuen buxetaren parte handia horretara bideratu beharko...

Irakurri segida

Gurekin harremanetan sar