Auzteia ostatuaren 5 urteak

Auzteia ostatuaren 5 urteak eta arrarrabotüaren 50 urteak ospatüko dütü Pagolako herriak uztailaren 13an, astiriz.

Gaüaldiaren egitaraua date: üdako xapelgoko eskü-hüskako pelota partida (18:30), Barbaste Argain, Petoteguy Parisen kontre. Herriko dantzarien sorkuntza (20:00), arrabotüaren arraberritzearen estreina hitz hartzeekin: Peio Etcheber aüzapez jauna, Iñaki Echaniz depütatü jauna, Anne Marie Bruthé departamentü kontseilari anderea, herritarren kantorea “Pagolako herri maitia” (arrabotüaren eraikuntzarako düala 50 urte kantore hau emanik zen). Züntzür bustitzea Auzteia ostatüan herriko etxeak eskainirik. Rita Mutxiko taldeak alaitürik mutxiko dantzak (20:30). Biak Burgerren jatekoa.

(Pagolan hilabeteroko lehen ostiralean burgerrak eramaiteko egiten dü Biak Burgerreko Gaëtanek). Kaixo Duo taldearen kontzertüa (23:00).

3842. zbk

Gure Hitza | 2026/07/09

Eta bihar?

Menane Oxandabaratz

Udan sartzen ari ginela eta, bero handiek jo gaituzte. Hotz handiak direnean ongi beztiturik kanpora ateratzen ahal da, 40 gradu direlarik zailago! Eginahala barnean egon behar, zorigaitzez ez da denentzat posible.

Berote handiak, gero eta usuago, luzeago eta bortitzagoak dira. Errana denez Europan tenperaturak 2,4 graduz emendatu dira. Osasunarentzat kaltegarria bada, ingurumenean, laborantzan, enpresetan eta zerbitzu publikoetan (eskola, ospitale…) ere ondorioak baditu.

Urtez urte tenperaturak goratuz doazela, entzuten diren hautetsi politikoen hitzetan iduri du bat-bateko gertakari arraroa litzatekeela. Ez da trantsizio ekologikoa plantan jarriko aldaketa politikorik gabe. Ezin da deus ez balitz bezala egin, ezin dira begiak hetsi, ez da gehiago eztabaidatzeko garaia, neurri zorrotzak hartu behar dira. Estatuen buxetaren parte handia horretara bideratu beharko...

Irakurri segida

Gurekin harremanetan sar