Amotzeko bestak hor dira

Senperekoak bururatu bezain laster, horra Amotzeko bestek segida hartzen dutela, Santa Madalenaren ospakizunekin. Lau egunetako egitarau mamitsua eskainiko dauku hogei gaztek osatzen duten gazte komiteak. Ostiralean, uztailaren 10ean (18:00 eta 19:00) Amotze txapelketaren finalerdiak Mendionde trinketean, (20:00) zintzur bustitzea, (21:00) ohiko zikiroa, Ibiliz taldeak alaitua, etxera itzultzeko taxiak urririk. Larunbatean, uztailaren 11n, (14:00) Amotzeko pala txapelketaren finalak maila desberdinetan, (18:00) Amotzeko Urrats Handia deituriko lasterketa, 8,5 kilometrokoa, izen ematea: 07-82-50-53-16, (19:00) gaitzeko gaualdi alaitua aterpean, urririk, ostatu eta errekiak gozatzeko, animatzaileak Andoni Oilokiegi, Xibalet elektrotxaranga, Xiberoots eta DJ Doli Soinu Sistema. Igandean, uztailaren 12an, (10:30) meza kaperan, (13:00) zintzur bustitzea, (13:30) oilaskoa patatekin bazkaritzat, Hartzakantu taldeak animatua, (16:00) Beskoitzeko Oinak Arin dantzari taldea, (18:00) Amotzeko txapelketaren finala trinketean, (19:00) kantaldia Alarma Morea kantu taldearekin, (20:00) kantu txapelketa, (22:00) komiteko ostatua dantzaz eta musikaz animatua. Astelehenean, amoztarren eguna Mendionde ostatuan, 25€-ko menu bikainarekin, bukaeran gaualdi alaitua Los Piquillos taldearekin.

Herriko bestei begirada

Gazte komiteak bilan baikorra adierazi du, 5 egunak giro alai eta gozoan iragan baitira. Osteguneko pintxo-pote animatuak zabaldu baditu bestak, ostiral arratsean 400 afaltiarrek zikiroaren inguruan ozenki partekatu dute giroa berant arte. Larunbatean aldiz lasterketa ezeztatua izan bada ere, ez du debekatu gaualdi ongi animatua, txaranga eta kontzertuen artean. Igandeko paellak 200 bat parte hartzaile bildu ditu, bazkariaren ondotik ahate joko, Berçaitz anaien kantuek eta arratseko kontzertuek eguna ezin hobeki osatu dute. Astelehenean, besta komitearen desfileak hasiera eman dio senpertarren arteko besta preziatuari. Arratsaldeko mutxiko eta Andoni Oilokiegiren emanaldi bikainek ez dituzte isilarazi karriketako zonbaiten kantuak.

Udako ekitaldiak

Huna hemen, uztail eta abuztuan astero errepikatzen diren ekitaldien programa: astelehenetan (18:30), pilota plazan xistera. Asteartetan, (9:00-13:00) artisauen merkatua Postako plazan, (17:00) bisita gidatuak pilota plazatik, (21:00) uztailaren 21a eta agorrilaren 25a artean 7 Probintzietako Dantzak. Ostegunetan, (11:00) bisita gidatuak, (20:30) indar jokoak pilota plazan. Ostiraletan, (21:15) behi lasterketak kirol zelaian (uztailaren 17a eta abuztuaren 27a artean). Larunbatetan, (8:00-13:00) usaiako merkatua, elizako plazan. Bada ahusatzeko manera.

Eskulangileen merkatua

Uztailaren 14an, (10:30) Sylvie Estaynou senpertar margolariak “Pointillisme” tinta bereziaren tailerra aurkeztuko du. Peanuts bikoteak animatuko du Posta plaza bere kantuekin (11:00).

Gaueko merkatua

Uda huntako, igande guziz uztailaren 12tik agorrilaren 23ra (18:00-23:00), Senpereko herriak plantan ezartzen du gauazko merkatua. Hunen bidez, karrika nagusiak ongi animatua izan behar luke, denak gomit gira saltzaile, sortzaile eta tokiko ekoizleen ezagutzera. Hitzordu berri hunek, ongi gozatzeko parada eskainiko die herritar eta udatiarrei.

Ekaineko sortze eta heriotzeak

Horra zer aurkitu dugun. Sortzeak: Larzabal Mael eta Henonin Cassiopée. Heriotzeak: Gonçalves Céleste sortzez Rodrigues Da Silva 50 urte, Leveque Sylvie 56 urte, Lartigue Jean François 55 urte, Larzabal Olivier 47 urte eta Duarte Marguerite sortzez Montecatine Valle 76 urte. Dolumin bizienak hauen familia eta adixkideei.