Haurren errezibitzeko zentro proiektua Donapaleun

Donapaleuko herriko kontseiluak, maiatzaren 4ko bilkuran baieztatu du “Village d'Enfance Ensemble” fundazioak 2023an abiatu duen proiektua familia kuadrotik kanpo diren haurren errezibitzeko. Herriak, lehengo VVF eremuan duen lur parte baten jabetza euro baten truke utziko dio fundazioari (beste lur partea Seaskak egin behar duen lizeoari dedikatua da). Departamenduak haur horien harrera segurtatzeko konpetentzia ukanez, diruztatu behar luke zentro horren funtzionamendua. Ici Pays Basque irratiaren arabera, funtzionamenduak egunka haur bakoitzarentzat 214 euro gosta behar luke. Proiektua aitzinatzen ari da eta 2029an ideki behar luke. 40 bat haurren errezibitzeko herrixka bat eraikia izanen da (8 etxe, bulego...) eta zerbitzu guziak eskainiak izanen dira (bizitegia, janaria...). Proiektuak hogeita hamar bat lanpostu sortu behar lituzke (psikologo, hezitzaile, administrari...). Mementoko ikerketa lanak egiten ari dira eta proiektuak 9,5 milioi euro gosta behar lioke fundazioari.

Joko garbi lehiaketa Donapaleun uda huntan

Amikuzeko USSP elkarteak 40. aldikoz, joko garbi lehiaketa antolatzen du Donapaleuko pilota plazan uztail eta agorrileko asteazkenetan. Aurten ere, lau ekipa ariko dira (Baigorri, Baiona, Nabarrenkoxe eta Donapaleu) eta publikoa seguraski hor izanen da (600 partehartzaile bana beste). Lehen partida uztailaren 1ean jokatu da. Hastapenetik, Amikuzeko ikastolak bere partaidetza hartu zuen taloak eta edariak eskainiz partida denboran eta ondotik. Beraz, asteazkenero (17:30), ez ahantz joko garbi partidak eta ikastolaren taloak. Parada ederra memento goxo bat elgarrekin partekatzeko.