Txapeldun

Joan den ibiakoitzean, Lekorneko trinketean iragan ziren Pilotarienak lehiaketaren finalak, nesketan palantxan, pilota hutsean. Umetxoetan, Irisartarrak Pilota elkarteko bi pareak elgarren parean arizan dira. Irisartarrak 1-eko Gana Urruty Echeverria-Jaima Langlade Larçabalek irabazi dute 15/09, 15/14, Irisartarrak 2ko Luma Monaco-Elaia Gastelluren kontra. Jakin dugunaz, lau pilotarisek serioski eta xintxoki jokatu dute. Goresmenak eta eskerrak ere Fabrice Mollon beren arduratzaileari!

Esku-huska

Hemen ere berri onak gure Gazteak B-ko Oier Merle Mentaberri-Aiheli Lascarayrentzat. EHko finalerdietan, Lakarrako kantxan, gure pilotariak nagusitu zaizkie 30-15 amikuztarreri.

Finalen eguna

Iparraldeko pilota batzordeko finalen astearen karietarat, hiru parek finalak jokatuko dituzte.

Lehenik, uztailaren 10ean, Iholdiko plazan (20:000), bigarren mailako Paolo Bidart eta Julien Etchegaray ariko dira Zaharrer Segiko Goikoetxea-Errecaren parean. Biharamunean, Ezpeletako kantxan (17:00), Gazteak B-ko Oier eta Aiheli ariko dira Denek Bat-ekoen kontra. Eta ondotik, hirugarren mailaren kondu, Jon Mollon eta Xan Bidart lehiatuko dira Senpereren parean.

Azkenik, Frantziako xapelgoko multxoko lehen partidan, lehen mailako Etchevers eta Arbeletchek irabazi diete 30-12 Amikuzekoeri. Aste hondar huntan, bigarren partida kari, Itsasuarrak-en parean lehiatu beharko dira.

Zer sasoina daramaten gure pilotariek, aupa zuek!