Udako 9. arte ikusgarria, Uhartehiriko jauregian

Uztailaren 6tik agorrilaren 30a arte, Uhartehiriko jauregiko kaperan erakusketa izanen da arte plastikoari dedikatua. 9. aldikoz, Christian Saint Marc-ek antolatzen du erakusketa hori lekuko artista zenbaiten ezagutarazteko. Zortzi artistek landu obrak ikusten ahalko dira: Ion Garcia Larrar (zizelkadurak); Josette Da Costa, Véronique Sorreguieta, Nina Béddar, Adeline Baumgartner eta Christian Saint Marc (margolanak);Eveline-Léa Lequien (ilustrazioak) eta Chantal Allais (akuarelak).

Ateak egun guziz idekiak izanen dira (15:00-19:00), asteburuak barne. Sartzea urririk izanen da.

Bestalde, Carine Honarat (zehar flauta) eta Laurance Bancaud (harpa eta zitara) bikoteak musika klasikoko errezitala emanen du uztailaren 18an (17:00), lehena zehar flautarekin eta bigarrena harpa eta zitararekin. Ondotik, erakusketaren estreinaldia eginen da baso bat elgarrekin partekatuz.

3842. zbk

Gure Hitza | 2026/07/09

Eta bihar?

Menane Oxandabaratz

Udan sartzen ari ginela eta, bero handiek jo gaituzte. Hotz handiak direnean ongi beztiturik kanpora ateratzen ahal da, 40 gradu direlarik zailago! Eginahala barnean egon behar, zorigaitzez ez da denentzat posible.

Berote handiak, gero eta usuago, luzeago eta bortitzagoak dira. Errana denez Europan tenperaturak 2,4 graduz emendatu dira. Osasunarentzat kaltegarria bada, ingurumenean, laborantzan, enpresetan eta zerbitzu publikoetan (eskola, ospitale…) ere ondorioak baditu.

Urtez urte tenperaturak goratuz doazela, entzuten diren hautetsi politikoen hitzetan iduri du bat-bateko gertakari arraroa litzatekeela. Ez da trantsizio ekologikoa plantan jarriko aldaketa politikorik gabe. Ezin da deus ez balitz bezala egin, ezin dira begiak hetsi, ez da gehiago eztabaidatzeko garaia, neurri zorrotzak hartu behar dira. Estatuen buxetaren parte handia horretara bideratu beharko...

Irakurri segida

Gurekin harremanetan sar