Euskal Herriko Unibertsitate Herrikoiaren udako unibertsitatea

Euskal Herriko Unibertsitate Herrikoiak aurten ere, jaz bezala, udako unibertsitatea antolatzen du bost egunez Xarlotenea etxean (Sainte Eulalie karrika, 31), uztailaren 20tik 24ra. Egitarauan: konferentziak, irakurketak, kontzertuak, performantziak, filmak. Gai desberdinak jorratuko dira: sorkuntza, mitologia, astronomia, antzerkia, dantza, musika... Karia hortara, jende adituak mintzatuko dira: Pablo Marticorena arkeologoa, Philippe Beauchamp ekonomialaria, Francis Bichot hidrologoa, Katixa Dolhare-Çaldumbide irakaslea, Gerald Migeon arkeologoa, Julie Ricossé margolaria, Jérôme Sullerot errealizadorea, Svetlana Vassilieff arkeologoa, Jean-Philippe Viau kazetaria, Yovan Gilles dantzaria, Zigor zizelkaria.

Egitarau osoaren ukaiteko, jo behar da webgune hauetarik batera: https://charlotenia.com edo https://uppaysbasque.com.

3842. zbk

Gure Hitza | 2026/07/09

Eta bihar?

Menane Oxandabaratz

Udan sartzen ari ginela eta, bero handiek jo gaituzte. Hotz handiak direnean ongi beztiturik kanpora ateratzen ahal da, 40 gradu direlarik zailago! Eginahala barnean egon behar, zorigaitzez ez da denentzat posible.

Berote handiak, gero eta usuago, luzeago eta bortitzagoak dira. Errana denez Europan tenperaturak 2,4 graduz emendatu dira. Osasunarentzat kaltegarria bada, ingurumenean, laborantzan, enpresetan eta zerbitzu publikoetan (eskola, ospitale…) ere ondorioak baditu.

Urtez urte tenperaturak goratuz doazela, entzuten diren hautetsi politikoen hitzetan iduri du bat-bateko gertakari arraroa litzatekeela. Ez da trantsizio ekologikoa plantan jarriko aldaketa politikorik gabe. Ezin da deus ez balitz bezala egin, ezin dira begiak hetsi, ez da gehiago eztabaidatzeko garaia, neurri zorrotzak hartu behar dira. Estatuen buxetaren parte handia horretara bideratu beharko...

Irakurri segida

Gurekin harremanetan sar