Mintzalagun

Euskararen mintzatzeko paradak eman nahi ditu Mintzalagun iniziatibak. Iaz 3 talde bildu ziren 18 mintzalagunekin. Aurten aukera bera eskaini nahi da jendeari. Bi rol badira egitate horretan:

– bidelariak: mintzatzen ahal diren baina praktikatzeko beharra sentitzen duten

jendeak, ikasle ala ez

– bidelagunak: euskaldun aktiboak, aise mintzo direnak, “euskaldun zaharrak”, ez

dira erakasleak

Izena emateko, sartu emanizena.praktikatu.eus webgunera; hauta Hazparne, Izturitze,

Aiherra, Lekuine edota Beskoitze. Disponibilitate guziak idatz. Denen disponibilitatearen arabera, taldeak hautatu leku batean eginen dira elgarretaratzeak, astean oren bat. Urtean zehar hainbat elgarrataratze izanen dira Euskal Herriko mintzalagunen artean. Hazparnen topaketa bat aurreikusia da 2027ko hasieran. Izena eman gostuan, kitorik da!

Auzoko konpostagailua: boluntarioak xekatzen dira

Hona Bil ta Garbik proposatzen duena: auzoko konpostagailuak ezartzea. Auzoan kokatua izanen den konpostagailuari esker, nahi dutenek hondakin organikoak bereiz ditzakete. Nahi duten familiek bio-zegoa ukanen dute barazki eta fruitu xurikinak ezartzeko, gero konpostagailuan husteko gisan. Hondarkin horiek tokian berean balorizatuak izanen dira. Biztanle boluntario taldea, kudeatze eta segipen lanetan lagunduko du Bil ta Garbik. Zer ondorio du hondarkin organikoen tratatzeak?

– Lur emendakin naturala lurrera itzultzen da

– Etxe hondarkinen bolumena ttipitzen da

– Auzoekin harremana emendatzen da proiektu praktikatu baten inguruan

Egitate horretan parte hartzeko idatzi biodechets@biltagarbi.fr helbidera.

“Ces femmes dans l'ombre” filma

Urriaren 30ean Haritz Barne zineman pasatuko da Laetitia Tomasi zinegilearen dokumentala (20:30). Ondotik zinegilea eta Bask'Elles elkarteko partaide batzuekin hitz egiten ahalko da. Emazteak aitzinean eman nahi dituen Bask'Elles taldekoek diote emaztea ez dela aski aipatua espazio publikoan. Eskas hori betetzeko helburuarekin inguruetako emazte ohargarriak bilatzen dituzte. Artxiboak, lekukotasunak eta emazteen ondokoak galdekatuz argirat eman nahi dituzte. Emazte balios horien memoria transmitituz, indarra eman nahi diote belaunaldi berriari.