Trenbide bazterrak garbitzeko lanak

SNCF sareak landaredia zaintzeko lanak eginen ditu urriaren 30etik abenduaren 21era, Angeluko trenbidearen zazpi kilometrotan. Landare inbaditzaileak kenduko dituzte, bereziki Panpako belarra, baita arriskua eragiten duten arbolak moztu ere. Hamabost langile mobilizatuko dira tren zirkulazioaren segurtasuna eta sarearen funtzionamendua bermatzeko. Lanek noizbehinkako harrabots trabak sor ditzaketela jakinarazi du Herriko Etxeak.

Omiasainduko antolaketa hilerrietan

Louillot eta Blancpignon hilerrietako bulegoak urriaren 31n eta azaroaren 1ean zabalik izanen dira (8:00-12:00 / 13:30-18:00). Segurtasun arrazoiengatik, Omiasaindu egunean ez da ibilgailuz ibiltzerik izanen hilerrietan, urtean zehar horretarako baimena dutenentzat ere. Hilobietako mantentze eta berritze lanak azaroaren 2an berriz hasi ahalko dira. Azaroaren 1ean, landareak, loreak eta oroitzapenezko objektuak ezartzea baizik ez da onartuko.

“Kazetaritzaz eta adimen artifizialaz eztabaida”

Euskal Herriko Prentsa Klubak kazetaritzaren eta informazioaren geroari buruzko eztabaida antolatuko du azaroaren 13an, ostiralez Barojako zalditegietako Zingaro gelan (19:00). Marc Feuillée Le Figaro taldeko zuzendari nagusiak eta Rayya Roumanos Bordeleko IJBA kazetaritza eskolako zuzendariordeak parte hartuko dute. Adimen artifizialak lanbidean dituen ondorioak, desinformazioa eta informazio egiaztatua jasotzeko eskubidea jorratuko dituzte. Sartzea urririk izanen da, aitzinetik www.tourisme64.com/animation/anglet/FMAAQU064V5CH8OX-face-a-lintelligence-artificielle-le-journalisme-en-eaux-troubles/ webgunean erreserbatuz.