Errexil Bertsu Sariketa

Errexil Bertsu Sariketa Urruñan ospatuko da 2026ko urriaren 30ean eta azaroaren 13an eta 20an, Posta gelan (19:00). Antolatzailea: Bertsularien Lagunak elkartea, Herriko Etxearen laguntzaz. Sartzea: urririk.

Parte hartuko duten bertsolariak: Eneko Abasolo, Manex Agirre, Haira Aizpurua, Irati Alcantarilla, Oihana Arana, Haizea Arana, Ramuntxo Christy, Beñat Larrori, Mabi Maia, Mizel Mateo, Lurdes Ondaro eta Nahia Sasko.

Tripotx jatea

Donemartiriren kari, eta Bakalau elkarteak antolaturik, azaroaren 6an, ostiralez, ohiko tripotx jatea izanen da Pausuko Xaia ostatuan (20:00). Sebas eta Kike soinu-joleek gaua alaituko dute. Prezioa: 35 euro. Erreserbak egiteko: 05-47-75-07-02.

Gau Beltza heldu da!

Gau Beltzaren laugarren edizioa urriaren 31n, larunbatez, ospatuko dugu. Urruñan, Gau Beltzaren ospakizunak usaia zaharrak biziaraztea du helburu, euskararen eta euskal kulturaren transmisioa sustatuz, belaunaldi guztiak elkartzen dituen hitzordu herrikoi baten bidez. Egitaraua: plazako liburu-dendan, Gau Beltzari buruzko ipuin-kontaketak Zernahi elkartearekin (15:00). Era guztietako tailerrak eta jokoak René Soubelet plazan (16:00).

Daniela Albizu plazan, Jose, Sebas eta Kiki Bordaren dantzaldi parte-hartzailea (18:30).

Su-meta R. Soubelet plazan: Ttukutun txalaparta, Tximi-txama haur-abesbatza eta mutxikoak (20:00). D. Albizu plazan, Burrunkaren “Lurraren Zainak” ikusgarria, bestari bukaera airosa emateko (21:00).

Lander Zurutuza idazlearen istorioak

Irailaren erdi aldean plazaratu zuen Lander Zurutuza Sunsundegi idazleak “Trumoi-hodeien pean” izeneko liburu ederra, Baionako Maiatz argitaletxearen bidez. Liburu honetan badira zenbait atal: lehena 21 olerkiz osatua, eta beste hiru atalak hitz lauz edo prosaz, narrazio moduan, idatziak. Hirugarren atalak “Bidasoako ostatu zaharrean” izena du, eta Pausuko Xaia ostatuan kokatu du, ostatuko supazterrean. Hiru narrazioetan, errealitatea eta irudimena nahasiz, istorio hunkigarri eta erakargarriak sortzen ditu.

Liburu hau jadanik Euskal Herriko liburu-dendetan salgai dago, eta azaroaren 29an, igandez, Urruñako plazan izanen den Loraldiberri liburu eta disko azokaren bosgarren edizioan salgai izanen da Maiatz argitaletxearen salmahaian. Lander Zurutuza bertan izanen dugu liburuak saltzen eta izenpetzen. Beraz, urruñarrok parada izanen dugu Olentzerorako opari polita erosteko.

“Lanbroa harrapatzen” erakusketa

Urriaren 23tik azaroaren 17ra bitarte, Bernard Bayle argazkilariaren “Lanbroa harrapatzen” izeneko erakusketa izanen da ikusgai Posta gelan. Estreinaldi ofiziala urriaren 29an, ostegunarekin (18:30).

Haurrendako margotze-atelierra

Kixoenea Elkarteen Etxean, eta Selarua elkarteak antolaturik, asteazkenero,haurrendako margotze-atelierra zabalik izanen da (14:30-16:00). Urteko prezioa: 50 euro. Informazioa: 07-71-18-83-41 edo 07-85-87-47-51.

Mugaz gaindiko artzain-topaketa

Artzaintzaren nazioarteko urtea dela eta, urriaren 17an, larunbatez, Urruña, Sara, Lesaka eta Berako Herriko Etxeek artzainen arteko topaketa eta zine-eztabaida antolatu zituzten Larrungo gailurreko bentetan.

Txorien behaketa erlaitzean

Urriaren 19tik 31ra bitarte, erlaitzetik pasatzen diren txorien behaketa gidatua eginen da Etzan-Borda etxaldearen ondoan, egunero: (8:30-11:30).