Omiasaindu

Hurbiltzen ari da, meza hazilaren lehenean, igandea, Saran izanen da (10:30) eta biharamunean hazilaren 2an hilen eguna, Senpereko elizan (19:00).

Ziklo-rando

Ziklo-rando ekimena urriaren 18an igandez iragan da, emazte eta gizonek parta hartu dute, orotara 245 baziren. Dena biziki ongi iragan da, podiumik ez da egiten, parte hartzearen plazerarentzat da. Dena giro onean iragan da, denbora ere behar den bezalakoa zen. Olhain ikastola zen antolatzailea, burasoak izigarri kontent ziren, berek uste baino jende anitzez gehiago izan baita, denak eskertzen dituzte.

Erorketen tailerra

Sarako Zentro Sozialak erortzeko arriskuen ttipitzeko, 4 egunez tailerrak proposatzen ditu, Arantxa Oronoz psikoterapeutak antolaturik, Sarako Olhain gelan (14:30-16:00). Egunak hazilaren 9, 16, 30 eta abenduaren 7an iraganen dira, izena Herriko Etxean eman behar da 05-59-54-20-28, baita xehetasun guziak ukaiteko. Talde bakoitza 12 presunentzat da, beraz lekua erreserbatzeko laster deitu behar da.

Kirola

Pilota - Esku-huska trinketean: Lehen mailan Etxeberri Pacheco Manex-Zozaia Eñaut galtzaile 38-40 Atzarriren kontra. 3. mailan Alfaro Ellande-Irazoqui Iñaki irabazle 40-17 Abarratiaren kontra. Gazteak: Berasategui Unai-Semerena Eneko irabazle 40-17 Erro Bat-en kontra. Irosbehere Iban-Goyeneche Ellande galtzaile 02-40 Zaharrer Segiren kontra. Alduntzin Kaiet-Marin Imaz Eneko galtzaile 29-40 Mauleren kontra. Neskak palantxaz 3. mailan: Urrutia Borda Edurne-Arribillaga Audrey galtzaile 36-40 Goizeko Izarraren kontra. Indaburu Gaelle-Arotzarena Amaia galtzaile 33-40 Kapito Harriren kontra. 4. maila Urrezti Mirentxu-Etcheverry Maider irabazle 40-38 Gotaineren kontra.

Errugbia - Sarak 22-17 irabazi du Nafarroaren kontra, heldu den igandean pausako dira.