Herriz Herri | 2024ko Abenduaren 12a

Vogoscope

Vogoscope teknologiaren aurkezpena iragan da Donibane Lohizuneko igerilekuan, Alain Bernard Pekineko Jokoetan 100m libreko txapeldun olinpikoaren aitzinean. Uretako praktikari eskainitako bideoa kaptatzeko eta hedatzeko sistema da. Donibaneko igerilekua, igerilarien errendimendua aztertzeko tresna hau zabaltzen duen uretako 7. instalazioa da. Urpean eta ur gainean filmatzeko gai da, eta erabilera ugari ahalbidetzen ditu.

Herriz Herri | 2024ko Abenduaren 12a

Sarako Izarra pilota - Pilota

Sarako Izarra pilota

Abenduaren 6an arratsarekin, Pleka trinketean iragan da biltzar nagusia. Orotara 80 bat jende presente ziren, Guy Mounho lehendakariak deneri ongietorria egin du, erranez baduela 13 urte hartu zutela elkartea eta beti bulego berarekin segitzen dutela. Eman du urteko bilana, 30 final jokatu dituzte, eta 20 irabazi, 6 Euskal Herri batzordean, 5 Frantziako xapelgoan eta 9 Union Basquen. Orotara 104 pilotari badira, partidak Sarako eta Amotzeko...

Herriz Herri | 2024ko Abenduaren 12a

Eskubaloia

Esku baloia

Gizonetan, nazional 2 mailan lehen taldeak irabazi dio Atharratzeri, 26-19. Denbora biziki txarra izanik ere, Airoski gela mukuru betea zen, derbi horren ikusteko.

Pre-nazional mailan, bigarren taldeak ttantto batez galdu du Blanquefort-en kontra, 22-23.

Nesketan, Nazional 3 mailan Kanbo/Irisarrik irabazi dio Tyrosse-ri, 31-25.

Bigarren taldeak irabazi du Lons-en, 30-31.

Erregional mailan, hemezortzi urtez petikoek irabazi dute Mont...

Herriz Herri | 2024ko Abenduaren 12a

Mus txapelketa - Eguberriko gaualdia

Mus txapelketa

Euskal Herriko txapelketaren lehen partidak abenduaren 13an ostiral arratsez jokatuko dira Artetxean.

Izena emaiteko deitu 06-31-64-60-88 zenbakira.

Eguberriko gaualdia

Abenduaren 20an ostiral arrastirian izanen da mugimendu Izturitzen, Arberoa ikastola, Arberoako joaldunak, Izturitzeko merkatua eta Artetxea elkartea partaide antolatua den gaualdi bereziarekin.

(18:30) Ibilaldia, Olentzero eta Mari...

Herriz Herri | 2024ko Abenduaren 12a

MFA lantegiaren 15 urteak

Duela bi aste, azaroaren 23an, jende multxo pollita bildu da Arberatzen kokatua den MFA lantegian (Matériel Ferroviaire d'Arberats). Bere 15 urteak ospatzeko, enpresaburuak Arberatze-Zilhekoako eta Aiziritze-Gamue-Zohaztiko biztanleak gomitatuak zituen lantegiaren bisitatzera goizeko 10:30tarik goiti. 300 bat herritar eta langile hurbildu dira. Lantegi huntan trenbideetan erabiltzen diren altzairuzko materialak egiten dira.

Arberatzeko lantegian...

Herriz Herri | 2024ko Abenduaren 12a

Miñan antzerkia Donapaleun urtarrilaren 10ean

Duela bost urte, Amets Arzallusek idatzi du arrakasta handia ezagutzen duen "Miñan" liburua, Ibrahima Balderen bizia kondatuz. Ibrahima Ginean sortu da. Egun batez, bere amak galdeginik bere etxetik joan behar izan du anai tikiaren bila Europara. Basamortua zeharkatu du, eta polizia, bahitzaile, mugalari eta beste gurutzatu ditu zeharkaldian. Afrikatik Europarako ibilbidean minak, egarriak eta goseak sorturiko sufrimendua ezagutu du.