Herriz Herri | 2024ko Uztailaren 11a

EHZ festibala arrakastatsua Arberatze-Zilhekoan!

Euskal Herria Zuzenean festibala ederki iragan da ekaineko undar asteburuan Arberatze Zilhekoan. Iparraldeko beste bost herritan iragan ondoan, Amikuzeren aldi zen aurten. Ostiral arratsaldetik igande gaua arte 50 bat talde iragan dira eskola ondoko pentzean eta herriko plazan antolatuak ziren taula gainetan. Parte hartzea handia izan da, 12.000 jendez goiti antolatzaileen araberan. Laguntzaileak ere nonbrean jin dira; beharrik, lana bazen denendako. Aroaren...

Herriz Herri | 2024ko Uztailaren 11a

Diputatu bozen bigarren itzulia Amikuzen

Parte hartzea %70,2koa izan da, lehen itzulian baino gutiago. Gutienik bozkatu duen herria Amorotze izan da (%70,97) eta gehienik egin duena Ostanko (%90,59).

Amikuzen, Iñaki Echaniz (NFP) lehen ateratzen da 2.673 bozekin (%47), 738 boz irabaziz bi itzulien artean. Bigarren lekuan Sylviane Lopez agertzen da 1.522 bozekin eta hirugarren Jean Lassalle, 1.515 bozekin.

Emaitzak herrika...

Herriz Herri | 2024ko Uztailaren 11a

Bernard Morlaas-en hitzaldia

Baxe Nafarroako erakustokiak bere udako hitzaldiak segitzen ditu. Joan den astean Mikel Erramouspek 1949an, Azoretan gertatu hegazkin istripua gogoratu dauku. Estatu Batuetara zihoazen bost euskal artzain hegazkin hartan zeuden.

Aste huntan, Bernard Morlaas, garai ederreko "Salies" herriaz mintzatuko da bere hotel ospetsuen bidez. Hitzordua,...

Herriz Herri | 2024ko Uztailaren 04a

Herriko bestak

Uztailaren 5, 6 eta 7an iraganen dira. Ostiralean kontzertuekin hasiko da, Maskak, Ezpalak eta DJ Bull-ek animaturik. Ibiakoitzean zikiroa proposatua da, Holako taldeak alaiturik (20:00), erreserbatu behar da deituz 06-17-85-49-98. Igandean, Othalepo plazan paella bazkaria, arratsaldean plaza nagusian (18:30) Rita Mutxiko taldea, talo eta xingar, gaualdia Elgenian bururatuko da.

Arrosatar guzieri besta on!

Herriz Herri | 2024ko Uztailaren 04a

Lagunen gaua

Latsarria elkarteak uztailaren 5ean "Lagunen gaua" antolatzen du (19:00), Bernadette Jougleux gunean. Kontzertuak eta mutxikoak iraganen dira, lekuan berean pintxo, xipiron... eta edariak. Sartzea kitorik.

Herriz Herri | 2024ko Uztailaren 04a

Legebiltzar emaitzak

Orotara herrian 461 bozkatzaile dira. Joan den igandean 356k bozkatu dute, horietan 7 xuri. Echaniz (Fronte Popularra) lehena atera da 151 bozekin, Lopez (RN) 72 boz, Lassalle (Résistons) 50, Cachenaut (LR) 49 eta Mirande (EAJ-PNV) 27. Heldu den igandean berriz bozkatzera deituak gira.