Miñan antzerkia Donapaleun urtarrilaren 10ean

Duela bost urte, Amets Arzallusek idatzi du arrakasta handia ezagutzen duen "Miñan" liburua, Ibrahima Balderen bizia kondatuz. Ibrahima Ginean sortu da. Egun batez, bere amak galdeginik bere etxetik joan behar izan du anai tikiaren bila Europara. Basamortua zeharkatu du, eta polizia, bahitzaile, mugalari eta beste gurutzatu ditu zeharkaldian. Afrikatik Europarako ibilbidean minak, egarriak eta goseak sorturiko sufrimendua ezagutu du.

Nobela horren inguruan, Artedrama elkarteak "Miñan" antzerkia muntatu du. Kitzikatzank eta Etorkinak Amikuzen elkarteek antolaturik, Donapaleuko zinegelan emanen daukute urtarrilaren 10ean ostiralez (20:30).

3765. zbk

Gure Hitza | 2024/12/12

Emazte izateagatik

Ainhoa Etchenique

Laken Riley 22 urteko amerikarra zen. Georgia unibertsitatean erizain ikasketak segitzen zituen. Korrika egitera joan aitzin prekozioneak hartzen zituen. Egun hartan, 9tan amari elkar deitzeko libre ote zen mezu bat bidali zion, baina maluruski ez zion segidan erantzun. Amak 9:24tan alaba deitu zuenean berantegi zen. Gizon batek Laken Georgiako unibertsitatearen campusean erasotu zuen korrika egiten ari zela, eta bortxatua izaten ez baitzen utzi, gizonak neskatxa erail zuen. Haren gorpua hostoen azpian atzemana izan da, aurpegian zauri ugarirekin eta buru hezurra hautsirik.

Ez da baitezpada urrun joan behar holako istorio beldurgarriak entzuteko. Gure auzo herria den Urruñan adibidez, ekainaren 21etik Laure Zacchello biztanlea desagertu da. Nehork ez daki nun den, nehork ez du ikusi, haren senarrarengandik nahitarako giza hilketa izan dela susmatzen bada ere, frogarik ez da. Gaur egun, Laure bizirik atzematea esperantzarik ez...

Irakurri segida

Gurekin harremanetan sar