Telethonaren alde

Gaitzeko arrakasta ukan du abenduaren 1ean herriko salan antolatua zen mus lehiaketak. 46 bikote bilduak ziren zoingehiagoko horren jokatzeko, A multxo horretan finalerat heldu dira 2 herritar, Ouret J.Bernard eta Iribarne Pierrot, biba zuek galdu baduzue ere!

B multxoan finalerat heldu dira bertze 2 herritar, Bidondo Dominique eta J.Pierre Saldubehere, haiek aldiz irabazi dute, goresmenak deneri!

123 apairu zerbitzatuak izan dira. Hori guziaren medioz 2.500 euro igorriak izan dira Telethonari.

Eskerrak antolatzaileeri eta gisa bat edo bertzez parte hartu eta laguntza ekarri duzuen guzieri.

3765. zbk

Gure Hitza | 2024/12/12

Emazte izateagatik

Ainhoa Etchenique

Laken Riley 22 urteko amerikarra zen. Georgia unibertsitatean erizain ikasketak segitzen zituen. Korrika egitera joan aitzin prekozioneak hartzen zituen. Egun hartan, 9tan amari elkar deitzeko libre ote zen mezu bat bidali zion, baina maluruski ez zion segidan erantzun. Amak 9:24tan alaba deitu zuenean berantegi zen. Gizon batek Laken Georgiako unibertsitatearen campusean erasotu zuen korrika egiten ari zela, eta bortxatua izaten ez baitzen utzi, gizonak neskatxa erail zuen. Haren gorpua hostoen azpian atzemana izan da, aurpegian zauri ugarirekin eta buru hezurra hautsirik.

Ez da baitezpada urrun joan behar holako istorio beldurgarriak entzuteko. Gure auzo herria den Urruñan adibidez, ekainaren 21etik Laure Zacchello biztanlea desagertu da. Nehork ez daki nun den, nehork ez du ikusi, haren senarrarengandik nahitarako giza hilketa izan dela susmatzen bada ere, frogarik ez da. Gaur egun, Laure bizirik atzematea esperantzarik ez...

Irakurri segida

Gurekin harremanetan sar