Merkatua À¢'€'" Abenduaren 15ean (10:00-17:00) merkatu estalian, 50 bat tokiko artisau eta elkartek erakusmahaiak atxikiko dituzte. Animazio desberdinak antolatuak dira, edari beroak eta janari goxoak ere dastatzen ahalko dira.

Eguberriko astea À¢'€'" Abenduaren 21ean Olentzero Donibane Garazira heldu da (11:00), Urkulu Peñak lagunduko du. Ondotik (13:00) pista jokoak iraganen dira, abiatzea eliza ondotik. Abenduaren 22an Garazikusen eskutik zine-arratsaldekoa proposatua da (15:00), bai eta tenore berdinean elizan Mendi Xola korua entzungai izanen da.

Abenduaren 24an Bizar Xuri etorriko da (11:30), merkatu estalian goxokiak emanak izanen dira, xokolate esne beroa edaten ahalko da, Eguberriko apaindura eta makillatze tailerrak proposatuak dira, bai eta jokoak.

Elkarteen xokoa - Garazi-Baigorriko saltegiek, Uhart karrikan (10:30) elkarteen etxola muntatuko dute. Nafarroako errugbi taldeak abenduaren 21, 23 eta 24an bere puskak salduko ditu. Abenduaren 26an Donazaharreko San Mixel eskolaren aldi izanen da, abenduaren 27an Manex Erdozaintzi Etxart kolegioa, abenduaren 28an Guzientzat elkartea eta 29an Donazaharreko eskola publikoa.

Edari beroak eta beste sorpresa anitz izanen dela errana da, itzuli baten egitera gomita zabaldua da.