Film emanaldia

Urriaren 4an (20:30) eta urriaren 6an (17:30), “Mirande, film bat egiteko zirriborra” filma ikusten ahalko da Les Variétés gelan. Urriaren 4an zine-topaketaAmaia Elizalderekin izanen da. Xehetasunak ukan nahi badira, 05-59-20-61-18 zenbakira deitu behar da.

Harria festibala

Urriaren 10etik 13ra iraganen da disziplina anitzeko Harria festibalaren 6. edizioa. Doinuak, irudiak, ideiak eta mugimenduak elkartzen diren lekua izanen da Borderline Fabrika. Ikusgarriak, musika eta roller dantza izanen dira bertan. Egitaraua borderlinefabrika.weebly.com webgunean ikus daiteke.

Bigarren xantzako eskola

Herria eta Lan-Eko elkartea gazteen integrazioarekin engaiatu dira, bigarren xantzako eskola errezibitu baitute. Enplegutik urrun diren 16 eta 30 urte arteko gazteentzat zuzendu programa da, Akitania Berriak ordaindu doako prestakuntza pertsonalizatuarekin. Proiektu hunek gizarteratzea indartzen du eta tokiko garapena bultzatzen. Aukera paregabea da lurraldeko gazteentzat. Harremanetan sartzeko: contact@laneko.eus. Informazio gehigarriak www.hendaye.fr webgunean atzeman daitezke.