Ihiziaren hitzarmena

Sara eta Etxalar bi herri horiek bi mugetan ihiztatzeko behar dute elgarren akordioa. Usoa ihiztatzeko, hitzarmena 2011n sinatu zuten, geroztik urtero egiten dute aurten, buruilaren 22an egin dute, Sarako Stephane Barneix auzapezordeak eta Etxalarko Xabier Etxarte auzapezak. Karia hortarat Lizarrietako lepoan, egun guzian besta izaten da, bi herrietatik etortzen dira ekoizleak eta lantegiak beren gauzak erakusteko eta saltzeko. Jokoak ere izan dira, botaluze pilota, pastanarre botatzea. Eguna bukatzeko bazkaria, ahatekia kanpoan errea, 200 bat bazkaltiar baziren, izigarriko egun ederra pasatu dute bi herri horietakoek elgarrekin dena umore onean euskal kantu batzu emanez.

Amicial

Elkartea, Sarako Herriko Etxerat etorriko da hilabete guziz bigarren ortzegunarekin, lehenbizikoa izanen da urriaren 10ean, (9:00-12:00), André Dutourniek errezebituko zaituzte. Etxetan behar balin baduzue laguntza zernahi gauzentzat, ez izi galdera egitea deituz 05-33-09-20-96 edo saad64@amicial.fr.

Beti Gazte

Elkarteak antolatzen du aurtengo azken elgarretaratzea urriaren 12an larunbatez (12:30), Zugarramurdiko Azketa jatetxean. Menua: sangria, sarrera hotzak eta beroak, legatza errea edo txuleta patatekin, gasna erreximentarekin, sagar tarta izotzarekin, arno beltz eta gorri, kafea ondokoarekin prezioa 38€ bainan karta duenak 30€. Hortako zuen izenak eman berantenez urriaren 8a aitzin deituz: Jeannot 05-59-54-21-34, Maite 06-31-62-90-66 edo Anita 06-28-28-08-24. Erretretatu guziak gomit zirezte egun goxo baten pasatzera denak elgarrekin.

Ikusi Mikusi

Eginen du bere manifestazionea urriaren 11n eta 12an egun guzian, beti bezala herriko gelak denak hartuko dituzte beren erakusketak egiteko.

Errugbia

Igandean Sarak irabazi du 24-23 Miramont-en kontra Miramont-en. Heldu den igandean bearnesen kontra arituko dira Saran (15:00).