Ninini antzezlana

Hauxe dugu Antton Telleriaren antzezlana, Euskal Herri osoan aretoak betetzen ari dena. Urruñan urriaren 18an larunbatarekin (19:00), Maita Kultura elkarteak antolaturik, emanen dute Itsas Mendi zineman eta jadanik, sarrerak saltzen ari dira.

Urruña-Segura birazkatzea

Iraileko lehen astean, herriko bestekin batera, Urruña eta Segura herrien arteko birazkatze ofiziala egin behar zuten, baina zenbait arazo izan direla eta, gibelatu behar izan zen, eta azkenean, urriaren 13an igandearekin, birazkatze ofizialaren ekitaldia izanen da herrian. Egitaraua: salda beroa Pausuko Xaia ostatuan eta bertsolari baten harrera (10:30), Pausutik abiatzea (11:30), ekintza ofiziala eta akta-izenpetzea herriko plazan (12:00), eta horren ondotik, Anje Duhalderen “Maitasun-Nortasun” izeneko kantua, mutxikoak, euskal kantuak, Kuxkuxtu txaranga eta aperitifa herriko ostatuetan. Bertan izanen dira Segurako hautetsi, arduradun eta herritarrez gain, Ipar eta Hegoaldeetako herri birazkatuen hainbat ordezkari.

Ipar-Hego birazkatzeei buruzko eztabaida

Urriaren 11n, Iparraldeko eta Hegoaldeko herrien arteko birazkatzeei buruzko prentsaurreko eztabaida eta ekitaldia izanen da Aiherran (19:00). Urruña eta Segura herriak gomitaturik daude, eta aipatu ekitaldira hurbilduko dira Filipe Aramendi Urruñako auzapez jauna eta Iparra-Hegoa elkarteko zenbait partaide.

Errexil bertsu sariketaren finala

Urriaren 4an, Bertsu Lagunak elkarteak antolatu Errexil sariketaren finala izanen da Posta gelan.

Kantu afaria Xaian

Urriaren 11n ostiralarekin, kantu afaria izanen da Pausuko Xaia ostatuan, Kuxkuxtu txarangak animaturik. Sagarnotegiko menua: bakalau moleta, txuleta patata frijituekin, bizkotxa, kafea eta patxarana. Izena emateko: 05-47-75-07-02.

Ostegunetako bisita gidatuak

Irailaren 26an ostegunero bezala, bisita gidatua izanen da Joritz Larraza aditu eta historialariarekin. Herriko ondarea erakutsiko du: historia, mitologia, joko eta kirolak, usaiak… eta abar. Prezioa 20 euro helduentzat, eta kitorik 14 urtetik behetikoentzat. Tenorea: 19:00-20:30. Informazioa: 05-59-54-60-80.

Abesbatzen kontzertua elizan

Urriaren 4an ostiralarekin, abesbatzen kontzertua izanen da elizan, haurren minbiziaren aurkako borrokaren kari. Urririk. Tenorea: 20:00. Parte hartuko dute Largente eskolako haur abesbatzak eta Bestela gizonezkoen abesbatzak Sophie Larrandabururen zuzendaritzapean. Horren ondotik, zenbait produktu eta ekoizpenen zozketa eginen da.

Adixkideak elkartearen eskaintza

Urtero bezala, Adixkideak elkarteak eskaintzen duen ekimen egitaraua biziki zabala da. Haur eta nerabeentzat: dantza, judoa, karatea, argazki tailerra, loregintza, margoketa-marrazketa eta musika. Azken horren barruan honakoak hauta daitezke: bateria, gitarra, solfeoa, panderoa, pianoa, trikia eta arrabita. Sartze txartela: 10 euro haur bakoitzeko. Helduentzat, berriz: ur-soinketa, loregintza, euskara, jostea, modern jazz dantza, espainiera, gimnastika, informatika maila guztietan, karatea, ikur hizkera, mutxikoak, musika (haurrentzat diren arlo berak), mosaikoa, argazkigintza, margotze eta marrazte tailerra, buztingintza, Qi Gong – Tai Ji Quan, ibilaldiak, sofrologia, antzerkia eta yoga. Sartze txartela: 25 euro.

Eguberriko merkaturako izen-ematea

Urtero, herriak Eguberriko merkatua antolatzen du. Aurten, abenduaren 13tik 15era izanen da. Aurtengo edizioan parte hartu nahi duten merkatariek beren hautagaitza mailez bidali beharko dute, urriaren 4a aitzin: m-forestier@mairie-urrugne.fr.

Pilotari urruñarren emaitzak

Garaziko Astelehena izeneko pilotari lehiaketan honako emaitzak erdietsi zituzten: Jon Biskubi urruñarra eta Etxegoin 40 – Bielle eta Jauregi 36. Lekorneko finaletan, Bixente Bideondo urruñarra eta Orhategarai 40 – P. Etxeberri eta Saint-Paul 18. Eta ber lehiaketan, B mailako finalean: Diskubi eta Orhategarai 40 – Ibarrola eta B. Larralde 19.