Herriz Herri - Heleta (NB) | 2025eko Urtarrilaren 23a
Mus - Dolu
Mus
Frantziako mus txapelketak hasiko dira gure herrian otsail hastapenean, parte hartu nahi duten guziek izena eman dezatela otsailaren 1eko Tote Larre ostatuan: 06-31-83-87-31.
Dolu
Nahiz eri zebilen, Jeannot Etcheverryk laster utzi gaitu 85 urtetan. Luhuson eraman du bere bizia, Monique Ospitalekin ezkondurik, bi seme ukan dituzte. Bainan hainbeste geneukan gurea Jeannot, kantuak diona "Xoriño baten pare nora nahi airatua", bainan Jeannot-k beti sorterrirat buruz zuen bere tiria. Boz eder batez doblatua loriatzen zen lagunen artean kantu xaramelatzea.
Jendalde ederra bildu da ehorzketa egunean, otoitz eta kantuetan parte hartzera jinak, ekarriz sustengu familiaren penari, espos, haur, anaiak beren familiekin. Heriotze hortaz joak diren guzieri gure dolumin bihotzekoak.
