Ohoreak

Urriaren 25ean ilunabarrean Lur Berri gelan, Beñat Zunda sukaldaria eta Therese Guijarot Argi Bidekoa, erretreta partiadako ohoreak zituzten. Battitt Laborde Lavignette auzapezak deneri ongi etorria egin eta, Beñat eskertu du 12 urtez herriko kantinean sukaldari gisa egin duen lanarentzat bai eta ere etxean bere familiaren ondoan. Thereseri eskerrak ere eman dizkio 35 urtez Argi Bidean egin duen lanarentzat. Jean-Michel Garat eta Daniel Laplacette lehengo Argi Bideko lehendakariek, Thereseri ohore handiak egin dizkiote, manifestazione anitz antolatu eta denak bururaino ereman baititu (idazleen biltzarra, kontrabandisten lasterka, Ihauteriak, ezkilalorearen bisita, ahantzi gabe hiru eskoletako haurren margo txapelketa eta bertze…). Auzapezak Beñati eta kontseiluko Pierre Higoyen eta Thereseri opariak eman dizkie, bai eta ere Argi Bideko lehendakariek bi lurrezko eltze handi. Kontseiluko oraiko eta lehengoko lagun guziak hor ziren desiratzeko erretreta on bat beren familiekin alaitasunean anitz urtez. Ondotik bazen zintzur bustitzekoa, jateko eta edatekoa. Ene partez biak eskertzen ditut, bainan partikulazki Therese, zeren baditugu egun goxo batzu pasatuak elgarrekin lan eginez. Suerte on zueri.

San Martin

Beteranoen eguna beraz usaian bezala egun hortan izanen da. Meza (11:00), beteranoen bi hilerrietan loreak eman eta ohoreak egin hilak diren beteranoeri. Ondotik aperetifa Herriko Etxeak ofreiturik eta eguna bukatzeko bazkaria Pikasarriko jatetxean.

Tripotxak

Joan den urtean bezala, aurten ere tripotx bazkaria eginen da Baratxarte jatetxean hazilaren 24an. Huna menua: tripotxak salda bixi-bixiarekin, garbantzoa xerri zangoekin, Baratxarteko ahate saltsa eta koka. Prezioa 32€ edatekorik gabe. Egun hortan meza (10:30) Santa Katalina kaperan, ondotik mutxikoak Baratxarte aitzinean eta bazkaria. Erreserbatzeko deitu jatetxea: 05-59-54-20-48.

Kukusu merkatua

San Josepe eskolako haurren burasoek antolaturik hazilaren 24an Lur Berri gelan egun guzian (9:00-17:00), jateko eta edateko bertan izanen da.

Pilota

Trinketean lehen mailan: Iribarren Unai – Lecuona Aritz irabazle 40-11 Atzarriren kontra. Mariluz Jule – Etcheverry Unai irabazle 40-31 Guruchaga Betti – Calvet Daniel-en kontra. 2. maila: Etxeberri Pacheco Manex – Zozaya Eñaut irabazle 40-39 Mauleren kontra. 3. maila: Alfaro Ellande – Errandonea Xan galtzaile 33-40 Itsasuarrak-en kontra. Gazteak: Aguirre Arkaitz – Semerena Eneko galtzaile 12-40 Inthalatzen kontra. Alduntzin Kaiet – Marin Imaz Eneko irabazle 40-31 Inthalatzen kontra. Heredia Unai – Berasategui Unai galtzaile 36-40 Atzarriren kontra.

Errugbia

Sarak irabazi du 35-22 St Pierre du Mont-en kontra.