Pettan apeza pausatu da 96 urtetan Betharramen, lau urte bazuelarik horko erretira etxean zela. Pettan 1948an ordenatua izan zen eta ondotik hogeita hamar bat urtez Casablancan egon zen. Gero Pibrac eta Vic en Bigorren urte andana bat egonik, etorri zen Donapaleurat 1998an, egon tokia Betarramiten etxea zuelarik.

Bainan erretretan izanik ere, laguntza handia ekartzen zuen Amikuzeko parropiari igandetako zerbitzuak ekarriz, horko herrietan hogei bat urtez.

Otsaraneko seme, hiru anaia baziren apez eta arreba bat serora dena. Pierra gehiena bere denbora osoa egona Thailandian misionest eta zendua duela 4 urte Betharrameko xahar etxean 93 urtetan. Gero Franxua ordenatua 1968an eta istripuz hila Mugerren apez zelarik 33 urtetan. Oroit gira oraino zer bihotz mina izan ginuen guziek hain zen maitatua.

Itzuliz Pettanen ehortz mezarat, Betharrameko erretira etxeko kaperan, Joseph Ruspil Oztibarreko apezak ederki omendu du Pettan zena oroitaraziz berak ere ezagutu zuela Donapaleun 2015ean, biak ber etxean bizi zirelarik, Aita Salla Pierra, Aita Olçomendy eta Aita Casenaven konpainian, komunitate berdinean.

Otsaraneko familia ohoragarri eta fededun horri (hameka haurriderekin) eskaintzen dugu gure errespetuzko atxikimendu hoberena.