SPK elkarteak bigarren edizioa antolatu du, joan den larunbatean hasi dena. Hilabete guzian hitzordu desberdinak antolatuak dira. Buruilaren 7an argazki ibilaldia proposatua da (14:00-17:00), egun horretan abiatu aitzin emana izanen den gai baten inguruan hirian argazkiak hartu beharko dira. Ateratako argazkiak egunean berean eman beharko dira eta argazkirik originalenak sarituko dira. Izen emaitea 10 euro, abiatzea Herriko Etxe aitzinetik.

Bestalde buruilaren 10ean tailer bat antolatua da (14:00), Pierre Montagnez argazkilari ezagunarekin. 17 euro ordaindu beharko dira.

SPK elkarteak, Garazikus-en partaidetzarekin, buruilaren 25ean (20:00) Vauban zinegelan Wim Wenders-en “Le sel de la terre” filma presentatuko du.

Festibala buruilaren 26an bururatuko da, merkatu estalian hitzordua emana da (17:00), jazko argazkiak enkantean salduko dira, animazio desberdinak izanen dira, jateko eta edatekoa segurtatua izanen da.