Sartzea

Pentsatzen dut denek opor ederrak pasatu dituzuela eta orain prest zireztela, berriz berrien emaiteko.

Saran udako manifestazioneak ongi pasatu dira. Astero errebote berrian izan dira pilota, dantzak eta indar jokoak, bai ere ostatu eta taloak. Aurten, izigarriko jendea ukan dute eta taloek arrakasta handia. Larrungo kolore taldeak ere ukan du jende asko, gauza ederrak baitzituen presentatuak. Horiek ere kontent ziren, zeren saltze anitz ukan baitituzte. Bertzalde ohartu zirezte, jende asko izan da, bidean dena auto, plazan ezin aparkatu, erran behar da aro ederra ukan dugula, sobera bero aldizka, hortako ziren ostatuko terrazak beteak.

Lezeetan

Buruilaren 5ean, konferentzia Jean Claude jaunarekin, Sarako marinelak XVI eta XVII. mendeetan arrantzan Ternua erresuman. Patxi Amulet-en argazki eta kantuekin lagundua izanen da. Sarrera urririk, hortako eman izena deituz 05-59-54-21-88 edo lezea@grottesdesare.fr.

Herriko bestak

Sarako bestak hurbiltzen ari dira. Buruilaren 13tik 17rat iragaitekoak dira, bertzaldian emanen egitaraua.

Kontrabandisten lasterketa

Abuztuaren 31n iragan da. Egun guzian Suharriko parkean ekoizleen merkatua eta bazkaria izan zen. Arratsaldean kontrabandisten lasterketa iragan zen.