Joan den astean ELB, Lurzaindia, Nahi Dugun Herria eta Ostia mugimenduek Marieneko azken berriak eman dituzte. Uztailean, salmenta hitzarmen berria jabeen (Salagoity-Colbert) eta Bouygues Immobilier-en artean izenpetua izan da. 3,76 hektareako azalerentzat, 2.620.000 eurotan. 2021ean sinatu eta joan den apirilean bururatu zen lehen hitzarmena ordezkatzen du, hedadura berdinarekin baina 453.000 euro guttiagoko prezioarekin. Marieneko defendatzaileek zioten: “Bouygues-en behin betiko salmenta ez da oraindik egina eta hori berri ona da. Saltze engaiamendu berri horren izenpetzeak bi hilabeteko epea irekitzen du, nun Euskal Elkargoak bere aurre-erosteko eskubidea baliatzen ahal duen, Bouygues-eri saltzearen oztopatzeko. Beraz, Euskal Elkargoak bere ardura har dezan eskatzen dugu, eta zuzenbideak emaiten dion aukera hori erabil dezan. Kanboko TUP-ari (PLU) buruzko gogoeta Euskal Elkargoa sortu aitzin hasi zen baina Euskal Elkargoak 2019an ontzat eman zuen. Gure ikuspuntutik, laborantza eremu hau eraikigarri bilakatuz, orduan Euskal Elkargoak akats bat egin zuen. Gaur akats hori konpontzeko parada bere eskuetan da”.

Prentsa aitzinean izaitea baliatu dira bi mobilizazio egunetara gomita zabaltzeko. Lehena larunbat huntan, irailaren 6an (10:00), maiatzean landatu lursagarrak biltzeko. Galdegina da bakoitzak zego bat, eskularruak eta baso bat ekar ditzan.

Beste mobilizazio deia irailaren 9ko da, asteartean(13:00), Baionako auzitegian. 3 pertsona jujatuak izanen dira,2024ko apirilaren 10ean, Kanboko Herriko Kontseiluanprotesta ekintza kolektibo batean parte hartzeagatik. Ekintza horren bukaeran gertatu ustezko bortizkerien ardura leporatu nahi diete.